驚安燒肉商店

营业中

休息中

朋友牛瘾发作约我到尖沙咀擦和牛烧肉生日饭，呢间店佢嚟过食觉得水准同性价比可以接受，而且个九宫格有和牛同牛品不同部位，好适合选择困难症人士如我、唔洗左谂右谂食乜好餐厅职员态度唔错，见我哋有需要会帮手烧肉外面热辣辣一坐低点两杯冻饮降温先■草莓奶沙冰▪︎新饮品、散热一流酸酸甜甜好醒神，个样打到咭■冷泡荔枝乌龙茶(无糖)▪︎朋友唔饮甜嘢呢杯好啱佢，清凉乌龙茶有淡淡荔枝香■上・九宫格・一口和牛・和牛五花・和牛三角腩・厚切牛舌芯・和牛赤身・极点和牛・和牛三筋・韩式护心肉・壶渍牛筋肉～牛嘅唔同部位都有得食、皆大欢喜▪︎个人like牛舌芯愈𡁻愈香、爽脆又柔软一啲都唔韧▪︎一口和牛、和牛五花油花平均有种入口即化状态，肉味浓。三角腩则油份较重、满口油香▪︎和牛赤身因脂肪量低比较有嚼头、牛味明显。极点和牛同和牛三筋juicy肉有弹性，食落几软熟。护心肉别具咬劲、用韩式辣酱腌过辣甜有致。牛筋肉口感亦软亦嫩、类似骨胶原果种咬口，个汁令肉味更浓郁■和牛寿喜烧▪︎重头戏嚟喇！职员会推出餐桌到客人面前，问牛肉生熟度就用火枪把和牛片轻灼两面，卷起牛肉摆在有点米饭的碗内端上，佐以黑松露蛋浆捞匀食。牛肉质素系重点、入口即化齿颊留牛油香