影片
更多
2024-07-14
2329 浏览
第一次去新商场围方，商场啲舖头同平时都差唔多，之前上网睇好多人都食呢间过江龙手打乌冬，所以晚餐一于试吓佢。差唔多食饭晚时间6点已经开始排队，都系采取人齐先可以入座嘅形式，不过就冇限用餐时间。等咗大约20分钟就有位，里面铺面唔算好大，坐位都唔太多，但我哋两大一BB车嘅情况下，门口姐姐都安排得唔错。✨吉列猪扒乌冬，配招牌咖喱+$10睇啲人话个乌冬得几条ja，但其实无讲到咁夸张啰，普通乌冬嘅份量，同埋真系手打乌冬，食落好弹牙，唔系出街买d普通乌冬味道，可能配咖喱汁关系，食落都好饱，个咖喱汁就甜甜地，一啲都唔辣，我个人就觉得几好食，个吉列猪扒就正常发挥啰，冇乜特别。✨虾天妇罗煮乌冬，配老店传统味噌呢个虾天妇罗就卖相一般，有两条，唔算大只，不过就冇出边食落咁多粉浆，但呢个汤底落个人就觉得好咸，但我老公就话佢好钟意个汤底，佢话味噌系要咁浓味先好食，所以都系个人嘅口味。✨日式炸豆腐都系一般普通炸豆腐，不过不失。另外要赞吓呢间餐厅嘅服务态度好好，因为两样食物制作都需时，佢哋都会不断帮你fill水同埋问你要唔要围裙怕汁酱弹到你身上，当你食完嘅时候又唔会话太要你赶住走，虽然出面好多人排紧队😂而且系请勿靠等
商场啲舖头同平时都差唔多，
之前上网睇好多人都食呢间过江龙手打乌冬，所以晚餐一于试吓佢。
差唔多食饭晚时间6点已经开始排队，
都系采取人齐先可以入座嘅形式，
不过就冇限用餐时间。
等咗大约20分钟就有位，
里面铺面唔算好大，坐位都唔太多，但我哋两大一BB车嘅情况下，门口姐姐都安排得唔错。
✨吉列猪扒乌冬，配招牌咖喱+$10
睇啲人话个乌冬得几条ja，但其实无讲到咁夸张啰，普通乌冬嘅份量，同埋真系手打乌冬，食落好弹牙，唔系出街买d普通乌冬味道，可能配咖喱汁关系，食落都好饱，个咖喱汁就甜甜地，一啲都唔辣，我个人就觉得几好食，个吉列猪扒就正常发挥啰，冇乜特别。
✨虾天妇罗煮乌冬，配老店传统味噌
呢个虾天妇罗就卖相一般，有两条，唔算大只，不过就冇出边食落咁多粉浆，但呢个汤底落个人就觉得好咸，但我老公就话佢好钟意个汤底，佢话味噌系要咁浓味先好食，所以都系个人嘅口味。
✨日式炸豆腐
都系一般普通炸豆腐，不过不失。
另外要赞吓呢间餐厅嘅服务态度好好，
因为两样食物制作都需时，佢哋都会不断帮你fill水同埋问你要唔要围裙怕汁酱弹到你身上，当你食完嘅时候又唔会话太要你赶住走，虽然出面好多人排紧队😂
而且系请勿靠等位期间，餐厅出面可以见到里面真系有个日本人嘅师傅喺度整紧乌冬，
十分之有笑容，会同d小朋友互动🥰
真系冇啲人讲到咁差，起码我食呢餐饭系觉得开心🥳
张贴
