Lex Coffee (已結業)

上月已留意到呢间餐厅，平安夜（其实系平安日）当日walkin去试，点知话吾接受walkin。白行一次。唯有上openrise book，今日食完就知道点解无得walkin，因为坚好食。先黎一个蘑菇汤，咸度适中，好有蘑菇味，只嫌佢吾够热（因为我钟意饮热汤，要烫口果只），但个面包就麻麻。饮完汤上主菜，我叫左个龙虾意粉，超好食。首先吾咸，意粉酸甜中带有海鲜味，但吾系浓烈到盖过只龙虾，食到尾段仲有轻轻芫荽味，而只龙虾熟度刚刚好，不过太细只....个意粉份量亦太少。我老婆就叫左个三文鱼扒，我都食左少少，吾腥，肉爽，因为我食得吾多，只能比到好少comment。餐饮方面，我upgrade左个热海盐香蕉朱古力，佢将香蕉切薄片，另加两粒棉花糖，算系甜，尤其去到底部，但可接受。我老婆叫左杯艺术咖啡，点解叫艺术？！吾多讲，睇图就知。最后叫多个tiramisu甜品，呢个坚好食，同一般旦糕吾同。旦糕松软，冧酒适度，吾太甜（或者之前饮左热朱有关），但总之就是好味。最后埋单$660。贵吾贵见人见智。