美心西餅 (太子站)

营业中

休息中

表妹生日都无同佢庆祝，今日难得齐人食饭！经过地铁站买个蛋糕一齐食！当做补祝生日！小朋友又开心有甜品食！现货蛋糕都好多选择，呢期美心又出了新蛋糕，栗子主题，样子精致，好在size唔大，细细个，食完饭食刚刚好，现金价$118，同店员讲要一个，店员在店内大雪柜取出，用Angry Bird纸盒包好，封口前会向我们展示一次才封口，店员仲会主动问我们要唔要生日牌，返到屋企唱生日歌！切蛋糕！食一啖蛋糕，外围忌廉好滑，蛋糕松软，但⋯⋯蛋糕介绍上所讲嘅味道（香滑鲜磨板栗、海盐焦糖、咖啡蛋糕）都唔系好觉，只系一件普通啡色蛋糕，无乜栗子味，可能蛋糕中间两层薄薄嘅浅啡色忌廉，就是鲜磨板栗，蛋糕又无咖啡味，咖啡香味都无，至于海盐焦糖可能系上面嘅啡色粉末或忌廉？主题味道唔出！失望！