影片
更多
2021-04-18
1631 浏览
焦糖炖蛋大家食得多，但有无谂过可以同泡芙一齐食?今次介绍既系由2016年开业至今，由2017到2021年都得到米芝莲推介既小食甜品Owl's Choux。呢间Owl's Choux主打意大利泡芙，开业第一年曾经面临濒结业，之后得到业主肯减租，再加上初次得到米芝莲推介，令到餐厅重新上轨道。泡芙都系每日即叫即整，每日限量最多200个，餐厅自设自家工场炮制，分别有唔同口味嘅法式奶油手工泡芙同埋意大利手工雪糕，泡芙嘅馅料唔用忌廉，而系用100%澳洲牛仔制成嘅意大利雪糕，而系雪糕入边都会加各种唔同口味既酱料。店舖位置比较隐蔽，系k11既转角位，唔熟尖沙咀既会好小去到个个位，我会知因为个度附近有间好钟意既拉面，店舖唔大，两个向街既bar枱位、两个向墙位同一张三个位既小圆枱，同店名一致既系会见到店内有好多猫头鹰既摆设。第一次入去帮衬𠮶时问店员有咩推介(其实系老细)，老细有好详尽介绍唔同口味同比较推介嘅口味，而且同我讲帮衬超过$58就会有一个印花，可以加落wallet入面，可以几张单夹埋一齐计，储够四个印花就会有一个招牌焦糖炖蛋泡芺，喺下次买一样嘢𠮶时就会一齐送。不过可能我同老细倾偈倾得多，之后几次佢
焦糖炖蛋大家食得多，但有无谂过可以同泡芙一齐食?
今次介绍既系由2016年开业至今，由2017到2021年都得到米芝莲推介既小食甜品Owl's Choux。
呢间Owl's Choux主打意大利泡芙，开业第一年曾经面临濒结业，之后得到业主肯减租，再加上初次得到米芝莲推介，令到餐厅重新上轨道。泡芙都系每日即叫即整，每日限量最多200个，餐厅自设自家工场炮制，分别有唔同口味嘅法式奶油手工泡芙同埋意大利手工雪糕，泡芙嘅馅料唔用忌廉，而系用100%澳洲牛仔制成嘅意大利雪糕，而系雪糕入边都会加各种唔同口味既酱料。
店舖位置比较隐蔽，系k11既转角位，唔熟尖沙咀既会好小去到个个位，我会知因为个度附近有间好钟意既拉面，店舖唔大，两个向街既bar枱位、两个向墙位同一张三个位既小圆枱，同店名一致既系会见到店内有好多猫头鹰既摆设。
第一次入去帮衬𠮶时问店员有咩推介(其实系老细)，老细有好详尽介绍唔同口味同比较推介嘅口味，而且同我讲帮衬超过$58就会有一个印花，可以加落wallet入面，可以几张单夹埋一齐计，储够四个印花就会有一个招牌焦糖炖蛋泡芺，喺下次买一样嘢𠮶时就会一齐送。不过可能我同老细倾偈倾得多，之后几次佢都认得我，有次我净系买咗$104佢都俾咗两个印花我。
除咗忌廉泡芙同埋意大利雪糕泡芙，另外仲有迷你小泡芙，不过入边就冇cream，但会有一啲盐粒糖粒系上面，配上海盐焦糖酱。
而意大利雪糕唔一定要连泡芙，都可以单独咁嗌，可以嗌单球、双球、三球，甚至可以加法式小泡芙喺雪糕上面。意大利雪糕嘅口味我第一次去有六款，榛子、北海道牛乳、伯爵、蓝苺乳酪、焙茶同埋芒果雪葩，但之后再去焙茶同埋芒果雪葩无左，反而多咗椰子斑斓雪糕。
饮品方面分两大类，除咗有咖啡仲有鲜奶，咖啡有经典嘅美式咖啡、拿铁、意大利泡沫咖啡等。而鲜奶就比较特别啲，有紫薯鲜奶、香蕉朱古力鲜奶等。只要有叫泡芙都可以跟餐价平一啲品尝到。
食完第一次觉得好好食，第二次帮衬时想买外卖俾女朋友，就边坐边食，临走时先买外卖，问老细佢话即日食嘅话唔使雪都得。
因为今次我唔系食完就走，坐咗一阵，发觉只要系堂食，老细都会斟茶俾你，或者话你知有得斟茶饮，饮完之后觉得几香几好饮而且可以解腻。之后佢好推介依种茶，唔系净系推介比我，同其他枱既客都有讲，话饮左呢个茶个人会慢啲，因为个麦香味好重好钟意就问边度有得买，佢话monomono有得买，呢种独特既茶味仲未系其他茶叶揾到。
之后应该系第三次去店舖，店主已经认得我系咪问过佢茶叶喺边度买，当我去斟茶试佢话换咗茶叶已经，今次换咗南非嘅国宝茶，话今次唔系出边买，而系人哋俾佢，饮落又系好顺口，佢话饮呢个茶好，好似可以降血压、降三高，有时店主自己一个人做嘢做到头晕，一饮完又精神返，听完之后都饮咗几杯。佢话其实每日冲完都剩咗好多茶，最后都自己饮晒佢，可能因为咁每次见到客人佢都好推荐大家斟多啲茶饮。
喺度饮茶𠮶时听到佢同客人嘅对话，佢同客人讲招牌焦糖泡芙已经冇晒，客人话点解咁快无哂，佢话今日系last day，我听完之后吓一吓，咁好食有咁好生意嘅舖头咁快要执？之后佢讲笑话系呢个星期既last day，因为餐厅每逢星期一休息。会想快啲清晒啲货所以卖晒就冇，之后我再问佢卖晒嘅款系咪唔会再做，佢话原来差唔多收舖，因为𠮶日阿妈自己一个喺屋企，所以想快啲收铺返去。
已经食咗几次既我好奇一问店主，点解叫猫头鹰泡芙，店主话系去完九洲旅行之后改咗呢个名，呢个名已经改咗好耐，因为九州有好多猫头鹰，本身改呢个名𠮶时冇谂咁多，但之后发觉呢个名好适合，因为猫头鹰有啲象征幸运，而且猫头鹰唔会成日都见到，改完之后发觉其实猫头鹰好代表到佢同依间铺，一直都系好幸运。而且猫头鹰嘅英文系Owls，O佢觉得系代表泡芙，而wl 系解with love，改完之后嘅几年发觉呢个名真系好适合而且好有意义。
-
1️⃣ Creme brûlée PUFF 💰36（👅: 9.5/10）
Creme brûlée PUFF
$36
24 浏览
1 赞好
0 留言
呢个系店铺既招牌，焦糖炖蛋泡芙。泡芙都系即叫即整，感觉上呢个招牌嘅口味嘅时间耐啲，因为佢会用火枪烧下上面嘅焦糖，大概需要等10至15分钟。
泡芙大小比平时食既会细啲，上面有焦糖脆脆，泡芙嘅内馅充满吉士忌廉，系焦糖同云尼拿口味，所以会清楚见到啡色同埋白色嘅忌廉同见到云尼拿籽，老细会介绍食法，唔好净系食上面焦糖，或者净系食泡芺，要连埋两个一齐食最好。
焦糖炖蛋非常出色，咬落上面劲脆，脆既程度系咬落会有声，有小小厚度唔会一咬就无哂，脆而不硬，味道唔会过甜，而且烧得岩岩好唔会苦，系食过最好食既焦糖炖蛋。法式泡芺外表上会见到有纹状，食落够松软，对比起一般扁身平滑食落系烟韧既泡芺，一咬满满既内馅爆哂出黎，唔会话内馅边个位会唔够，食落香滑，云呢拿味好香，上面脆脆连奶油同泡芙一齐食，无论味道定系口感都系有层次感，而且佢系CREAM所以比起真既，cream brûlée口感仲要再丰富。可能因为佢唔大个，所以食完完全唔觉得腻。
-
2️⃣⃣ Paris - Breat 💰38（👅: 8/10）
Paris - Breat
$38
15 浏览
1 赞好
0 留言
呢个系榛子泡芙，内馅系饱满既桩子奶油，而上面系一粒粒既海盐脆粒，再食食到松脆既泡芙，桩子奶油味道够重，对于桩子爱好者系满口满足感，加上脆脆海盐脆粒，有CREAMY同时有咬口既口感，实在系一口接一口。
外脆内软既原味泡芙，包裹住特浓榛子Gelato，面头仲有啲可可球同朱古力蛋糕，一啖咬落去榛子酱系口中喷发，真系超好味。钟意食缤纷乐既你，一定会钟意～
-
3️⃣⃣ Praline Noir 💰60（👅: 8.5/10）
Praline Noir
$60
50 浏览
1 赞好
0 留言
系一个榛子做主角，加意大利雪糕既手工泡芙，外表似系外馅丰富既菠萝包，老细教食呢个要一啖雪糕一啖Puff咁样食，唔好净系食一边。雪糕上面既系朱古力脆脆，食到底会有桩子同朱古力BROWIES。泡芙系原味，榛子果仁糖雪糕加一口松脆既泡芙，口感上非常搭，雪糕食落够柔滑够奶香，唔会好快融，加上味道够浓既花生酱同榛子糖浆，配搭口感脆脆既脆球，同朱古力既味道相映成趣，雪糕加脆脆好似食紧牛奶加脆脆既早餐咁，食到底就会见到BROWIES，够松脆，加埋雪糕同泡芙又系另一种享受。
-
4️⃣ Red Velvet 💰60（👅: 8.5/10）
Red Velvet
$60
44 浏览
1 赞好
0 留言
呢个系我试嘅第二个意大利雪糕手工泡芙，呢个口味都算系最人气嘅其中一个，可能因为佢酒红色嘅外表，雪糕当日得四只口味，榛子、北海道牛乳、伯爵、蓝苺乳酪，我拣咗伯爵茶。
因为我有食过佢新口味嘅泡芙叫toffee lady，泡芙上面嘅cream都系主要系伯爵茶嘅味道，而呢个伯爵茶雪糕食落个味道会比𠮶个cream甜一啲，因为佢系纯伯爵茶，而呢一个cream系沟咗花同其他成份，虽然甜一啲但系都唔会话觉得Heavy觉得太甜，甜得黎都系带有茶香味。
雪糕上面我有啲红丝绒嘅粒，食落好有口感，天鹅绒粒食落唔甜，不过红丝绒嘅味道相对淡啲，反而士多啤梨嘅味道比较出，因为雪糕底部有一啲士多啤梨同玫瑰嘅酱，酱唔会太多所以唔会太过抢味道，但食落唔系得个甜字，而系甜中带少少咸，因为会食到加咗盐粒，食落感觉会去走咗部份嘅腻感。
当雪糕食咗一半之后，可以好似汉堡包咁食成个泡芙，满足感爆棚，因为多重嘅味道同多重嘅口感享受，唔止系雪糕上面，泡芙上面都系有红丝绒粒，不过就唔系一大粒，而系类似red velvet cake，食落系松软得来带少少湿润。
泡芙因为都系新鲜焗起，食落系热热地，同雪糕形成冰火嘅对比，而且泡芙入边有粟米脆化，口感再多一个层次。
-
5️⃣ Tiramisu PUFF 💰36（👅: 9/10）
Tiramisu PUFF
$36
19 浏览
1 赞好
0 留言
呢个系特别既泡芙，老细话MENU未有图，因为本身想试焦糖既泡芙点知卖哂，佢就推介我食呢个，之后我再去帮衬问咗次都有，算系喺隐藏Menu入边。食法系要将上面既蛋黄酱连同内馅既咖啡酱一齐食，先会有Tiramisu既感觉。果真当两者二合为一，就系神奇既Tiramisu味奶油，加上松脆既泡芙又系一个新味觉冲击，感觉呢个松脆既法式泡芙，加上任何味既奶油都系好食，加上呢个Tiramisu奶油做得出色。
-
6️⃣ Toffee Lady 💰44（👅: 9/10）
依个系三、四月新出嘅其中一个口味，另一个新出嘅口味系越南咖啡。
呢个系店主原创嘅泡芙，因为店主钟意食chocolate bar，所以将佢嘅概念摆落泡芙入边，但平时食到既chocolate bar都系比较甜，呢个系经过改良，泡芙上面嘅系朱古力，朱古力上面嘅cream，买𠮶时店主介绍系伯爵茶，食紧个时再问，佢话其实系有好多种茶炒成，除咗伯爵茶仲有花、拖肥等等。
泡芙入边呢旧系云尼拿cream，食落去上面嘅朱古力味道唔会苦涩，亦都唔会过甜，同时又食到入边软滑嘅云尼拿cream，而上面嘅伯爵茶cream闻落好香，食落除咗有伯爵茶茶香味，仲有配合得好好嘅拖肥味，两者结合得好好一啲都冇违和，虽然呢个泡芙有好多仲味道摆埋一齐，但一齐食冇话边个互抢做主角，全部都平衡得好好，个人好钟意上面𠮶个cream，唔甜但有好香既茶味，题外话依个系店主最钟意嘅泡芙，因为系佢原创嘅泡芙，比起招牌嘅焦糖炖蛋泡芙佢更加钟意呢个。
-
🌟可以话系食过最好食既焦糖炖蛋，同时系最好食泡芙，两者结合得好好，加入唔同奶油重现唔同既味道，店舖位置方便系尖沙咀，有时间我就会去食个Creme brûlée PUFF 坐下饮下茶放慢个人。泡芺口味仲有云尼拿、焦糖，雪糕泡芙仲有Popcorn & Rocks、Mango Tango同Red Velvet，要试哂睇黎要去几次，系尖沙咀绝对系高质既甜品，无论系饭后一小个泡芺所结，定系外卖返去定买比人食，我已经介绍过无数人去依间店舖试，试完佢哋都话好食，而且自己再返去买。
试过其他口味，始终觉得招牌既焦糖炖蛋最好食，因为两者结合实在太完美，但其实呢个焦糖炖蛋泡芙并唔系店主最钟意嘅口味，啱啱新推出嘅Toffee Lady 先系店主最钟意嘅一样，因为佢觉得依个伯爵茶、拖肥、朱古力bar泡芙所有嘢都系平衡得好好，而且系原创嘅泡芙。而焦糖炖蛋并唔系佢原创，佢只不过将呢样嘢摆落泡芙入边，只不过冇人谂过将焦糖炖蛋摆落泡芙一齐，但我觉得依两个口味都系最好食嘅两个口味，我谂试过晒所有口味之后，cream puff我应该会keep住净系食呢两个口味，至于意大利雪糕嘅泡芙我推荐red velvet，甜得来又未至于过甜，味道又好特别好清新，唔系平时食到嘅口味。
特别一提系official收铺时间系写2130/2200/2230/2330，因为我有试过食白果所以问，老细话收铺唔定，卖哂就会提早收，通常8-9点就会收铺，8点可能唔再整卖哂就收铺所以，如果想食到唔好真系9点10点先去到，如果惊卖晒可以试吓7点𠮶时落单买，可能8点几𠮶时返去攞都得，如果食完晚餐先去买就可能已经卖晒。
另外因为店舖星期一休息，所以星期日好大机会卖晒嘅泡芙就唔会再做，如果星期日想去试就要早啲，尤其系啲vanilla cream based既泡芙，好似招牌焦糖炖蛋泡芙、原味云呢拿泡芙。
-
👅味道: 9/10
🍴环境: 7.5/10
💰消费: $36-60 (服务费: NA)
张贴
