焱丸水產 (已結業)

今晚同一班朋友出黎食饭，一部份人建议食日本菜，最近成日听到呢间好多人捧场，我地都黎试下！餐厅甚有日本风格，感觉好似去左居酒屋咁！黎到当然烧下海鲜，呢到有专人帮客人烧，所以唔港担心惊烧唔熟或者熟过龙！味噌烧带子，大大粒，软嫩口感，啖啖肉！大蚬，比平日食嘅大只，鲜味满分！我地仲叫左两个丼饭开心share食，香葱金枪鱼蓉丼，劲多嘅金枪鱼蓉，加左香葱、芝麻铺面，同丼饭一齐食，更加美味，旁边配左几块吞拿鱼！北海海鲜丼，当中有好多刺身，拖罗、鱿鱼、帆立贝、海胆、油甘鱼、灸烧左口鱼边、吞拿鱼、甜虾等等...每款有两块，相当丰富！