影片
更多
2015-07-17
1202 浏览
今日行咗落去WK广场，发现开咗间新Cafe，咁啱同朋友又行到累啦，所以就决定坐下休息下！呢度除咗一般有奶类嘅咖啡外，仲有唔同嘅冲煮方式同唔同产地嘅豆可以选择。仲有甜品同小食。今日就有呢2款咖啡豆可以选择！每张枱都放咗咖啡生豆；落咗order之后会俾个牌你，之后侍应会将食物及饮品送过来，这个牌背后写咗cafe的理念！炸薯条很香脆，而已都好大条！再配松露蛋黄酱，很香松露嘅香味，而有带少少酸酸地感觉几好！这个是Chemex pour over嘅Guji，清甜、口感香滑，带有果香味道！这个是aeropress冲的Guatemala，body较厚、有梅子的感觉，比另一款咖啡酸度高。
题外话/补充资料：
另外，还有小插曲！如果细心看，应该可以看见我的相片中其中一个咖啡壸口有裂痕。于是我就同个侍应讲个咖啡壸有裂痕，点知佢嘅回应系：〝我知道唔系你整烂嘅，放心我哋之前已经知道！〞佢好似唔系好明白我系担心会有玻璃碎咁！之后我问唔会有问题咩？佢竟然答：〝冇问题！个壸嘅玻璃系双层！〞我见佢嘅态度全完觉得冇问题，而且亦冇换过俾我嘅意思。佢回答嘅态度好友善，而且又好诚恳咁觉得唔会有事，咁我唯有算啦！不过我就饮得好唔安心啰！点知隔咗一阵又发生咗另一件事，不过今之唔系我身上！
隔离枱叫咗个意粉，应该系比较多汁嘅，可能系白酒蚬肉意粉之类，点知传菜个侍应唔小心咁倒咗d汁落地，而且连佢只手都有，我相信佢系知情嘅，因为我见佢有望下自己只手再望个地下，而且倒咗落地嘅汁都唔少，唔系一两滳咁简单，而系一滩水咁！我以为佢上完菜之后会清理返啦，点知我见佢行咗几转都唔见清理嘅意思，最后系由另一张枱嘅客人出声才清理！两件事虽然唔系同一个侍应，但处理手法实在有点奇怪！
(以上食记乃用户个人意见 , 并不代表OpenRice之观点。)
张贴
