兩草 (已結業)

呢间大坑嘅小店叫两草，高质素加上价钱亲民，开业不久已有唔少捧场客。马拉菜当然唔少得肉骨茶！招牌胡椒肉骨茶，做法有别传统，接近福建人口味，虽然欠缺药材味，但就有超重胡椒咸香，且带点辛辣，味道几过瘾。不过主角其实系碗煎蛋肉饼饭，每枱必叫！老板对自己功架似乎十足信心，皆因太阳蛋写到明系脆边，轻轻吉爆嘅蛋汁，捞落煎到金黄嘅肉饼，再加一圈甜豉油，晒上葱花，简简单单但好味道！另外嗌咗蛋炒猪肠粉，超香口！即叫即炒，其间加入猪油、甜豉油，最后加入蛋浆，炒到见微㶶，即刻上碟，唔会过龙。