爆丼屋 (已搬遷) 新店位置

听朋友讲, megabox开咗间新嘅餐厅,专门食日式丼饭, 听闻之前喺旺角都有间总店, 都有唔少人排队帮衬...今晚公司ot完,成八点钟,谂住揾番餐好啲嘢食,就喺公司附近嘅megabox,呢间"爆丼屋"到食咗一餐, 点知就咁就中咗伏,搞到心情好差,仲要去麦当劳度食宵夜...一心谂住去到呢度试下啲日式丼饭,点知入到去坐低,职员就叫我哋自己点餐,完全冇任何介绍... 都明白嘅,今时今日兴用手机点餐, 咁就用手机睇一睇个餐牌... 点知个餐牌啲格式又丑怪,啲相又蒙查查,超级大师级作品,张张相都睇唔清嘅... 是但啦,我当系啲写程式嘅人员马虎... 最紧要啲嘢食ok... 拣咗个外貌唔错嘅餐,叫做"六重相扑爆盛丼"个样真系唔错,价钱都唔平,不过谂住ot到咁夜,又肚饿,整个好啲嘅饭比自己享受下... 点知咁就中咗伏... 个饭嚟到同张相有非常非常之大嘅差异!碗饭又细碗!啲料又唔足!上面啲蟹肉同埋其他配料,好似啲呕吐物咁... 卖相一啲都唔好! 好想问下可唔可以用张相去海关举报佢, 触犯有关商品及说明条例! 其实另外我同事都嗌咗碗蟹肉为主嘅当饭,我试咗其中一只蟹脚,非常非常之腥... 食咗一啖就冇