影片
更多
2023-12-03
845 浏览
终于名正言顺可以去食暖笠笠嘅煲仔菜！趁住朋友生日乘机去帝京轩食超正嘅暖身煲仔菜。唔好讲咁多先整返碗老火靓汤饮吓先！呢碗系霸王花螺片汤饮落去热辣辣味道好清甜正呀。食中菜斩大嚿叉烧咪就系爽呀！我哋仲叫咗个烧味三重奏除咗金牌黑豚叉烧仲有烧鹅同埋烧腩仔，样样都咁好食好难拣啫一于食晒佢。不过我始终都钟意有骨落地！所以呢一个明炉潮莲烧鹅我一定俾多啲分。跟住呢一个香喷喷嘅系金钩酱瑶柱珍宝虾球银丝煲！个名真系好巴闭但系味道都一样咁有霸气，大虾爽口鲜味就一定㗎啦啲虾油渗晒落干爽嘅粉丝度好食到呢。老婆大人好钟意食咕噜肉所以就叫咗呢个拔丝菠萝咕噜黑豚过佢叹，咕噜肉做到皮脆肉香个汁包得啱啱好味道唔会太酸又唔会太甜，仲有好多新鲜嘅菠萝喺入面老婆大人食到舔舔脷呀。天气冻整返个羊腩煲叹吓先！经典嘅砂锅古法双冬羊腩入面有肥瘦均匀嘅羊腩，炆得好入味但系又唔会过火唔错，加埋冬菇同冬笋直头想叫碗饭嚟食。不过仲有好多嘢未食白饭就放弃啦！跟住呢个为咗唔食羊嘅老婆大人叫嘅陈年花雕药膳走地鸡煲，送嚟时闻到阵阵嘅药材同埋花雕味好香，用嘅系新鲜鸡食落去特别有咬口当然鸡味都浓啦！果啖汤汁先至系精华千祈唔好嘥嘢记得饮埋佢呀。冇叫白饭原因系
唔好讲咁多先整返碗老火靓汤饮吓先！呢碗系霸王花螺片汤饮落去热辣辣味道好清甜正呀。
食中菜斩大嚿叉烧咪就系爽呀！我哋仲叫咗个烧味三重奏除咗金牌黑豚叉烧仲有烧鹅同埋烧腩仔，样样都咁好食好难拣啫一于食晒佢。
不过我始终都钟意有骨落地！所以呢一个明炉潮莲烧鹅我一定俾多啲分。
跟住呢一个香喷喷嘅系金钩酱瑶柱珍宝虾球银丝煲！个名真系好巴闭但系味道都一样咁有霸气，大虾爽口鲜味就一定㗎啦啲虾油渗晒落干爽嘅粉丝度好食到呢。
老婆大人好钟意食咕噜肉所以就叫咗呢个拔丝菠萝咕噜黑豚过佢叹，咕噜肉做到皮脆肉香个汁包得啱啱好味道唔会太酸又唔会太甜，仲有好多新鲜嘅菠萝喺入面老婆大人食到舔舔脷呀。
天气冻整返个羊腩煲叹吓先！经典嘅砂锅古法双冬羊腩入面有肥瘦均匀嘅羊腩，炆得好入味但系又唔会过火唔错，加埋冬菇同冬笋直头想叫碗饭嚟食。
不过仲有好多嘢未食白饭就放弃啦！跟住呢个为咗唔食羊嘅老婆大人叫嘅陈年花雕药膳走地鸡煲，送嚟时闻到阵阵嘅药材同埋花雕味好香，用嘅系新鲜鸡食落去特别有咬口当然鸡味都浓啦！果啖汤汁先至系精华千祈唔好嘥嘢记得饮埋佢呀。
冇叫白饭原因系我哋嗌咗两个正饭嚟叹！呢个舞茸鲜排骨煲仔饭大大煲够晒我哋七个人分嚟食，舞茸嘅香味渗晒落啲饭度加埋排骨嘅肉香点会唔好食吖！老婆大人鬼咁识食仲指定要香脆嘅饭焦添。
呢个时候整碟上汤菜心食特别舒服！北风起有叶嘅菜就特别淋甜趁住呢啲好日子要食多啲菜先得。
唔好以为食完呀我哋仲嗌咗个银钩腊味五谷糯米饭嚟食！呢个糯米饭除咗有糯米仲加咗五谷米喺入面，食落唔会好似净糯米咁黏口但一样咁好食，师傅炒得好干爽而且腊味嘅油香入晒啲饭度真系好鬼邪恶。
甜品我哋拣咗金箔新疆枣皇糕个样金光闪闪意头好好，食落去口感好烟韧又唔会好甜仲有阵阵嘅红枣香味真系唔错㖞。
孖女朋友过几日牛一梗系要送个蛋糕俾佢哋开心吓啦！唔使烦直接喺酒店Royal Delights (R+)订咗呢个射手座脆脆榛子杏仁朱古力蛋糕送俾佢哋，呢个蛋糕用咗70%嘅朱古力嚟整食落去有啲甘味唔会太甜，仲有啲榛子脆脆就算唔太喜欢朱古力嘅我都觉得好食。
张贴
