影片
更多
2011-05-12
11 浏览
四月既时候，仲未三十几度，就黎试下呢到既煲仔饭。煲仔饭系暖胃野，都系未夏至之前食好d。个人对煲仔饭既要求系饭要干身同有点饭焦，𩠌既味要同饭合体。好多地方既饭都做得唔错，系饭味同𩠌味无融合，当然唔系样样𩠌都好出味，不过即使"腊"字头既𩠌，d饭都系无咩腊味，真系同叫𩠌加碗白饭无咩分别。今次又试试这里既水准。胡椒猪肚汤，都系未热之前岩饮既汤，个汤闻落几香胡椒味，饮落胡椒味够重，料方面都几足，猪肚够腍亦爽身。其实这里的也不错，不过唔知系咪之前食过筲箕湾锋记既关系，总觉得好似差左d野，谂下谂下，跟锋记比较，这里既胡椒猪肚汤就系未算浓郁，可能个人喜欢浓郁一点吧。煲仔饭要左虾酱猪肉同白鳝，虾酱味浓度适中，猪肉薄薄一片，够入味，伴有虾干，食落几鲜味；白鳝肥美，用上既豆鼓也不错。虾酱味、豆鼓味同鳝既鲜味都渗入左d饭到，确系美味。见楼上话d饭湿湿地，是次帮衬既饭都算干身，带有小小小小小饭焦，个人觉得系饭焦未够精彩，可以再多一点。整体收货既煲仔饭。椒盐鱿鱼，粉薄薄，鱿鱼新鲜，爽爽有咬口亦够弹牙，系椒盐味可以再重手d，不过都系送酒既好朋友。咕噜肉，见这里的卖上近百元，应该也不错，又试试。这里用上既新鲜猪肉，肉
胡椒猪肚汤，都系未热之前岩饮既汤，个汤闻落几香胡椒味，饮落胡椒味够重，料方面都几足，猪肚够腍亦爽身。其实这里的也不错，不过唔知系咪之前食过筲箕湾锋记既关系，总觉得好似差左d野，谂下谂下，跟锋记比较，这里既胡椒猪肚汤就系未算浓郁，可能个人喜欢浓郁一点吧。
煲仔饭要左虾酱猪肉同白鳝，虾酱味浓度适中，猪肉薄薄一片，够入味，伴有虾干，食落几鲜味；白鳝肥美，用上既豆鼓也不错。虾酱味、豆鼓味同鳝既鲜味都渗入左d饭到，确系美味。见楼上话d饭湿湿地，是次帮衬既饭都算干身，带有小小小小小饭焦，个人觉得系饭焦未够精彩，可以再多一点。整体收货既煲仔饭。
椒盐鱿鱼，粉薄薄，鱿鱼新鲜，爽爽有咬口亦够弹牙，系椒盐味可以再重手d，不过都系送酒既好朋友。
咕噜肉，见这里的卖上近百元，应该也不错，又试试。这里用上既新鲜猪肉，肉腌得唔错，咕噜肉就少少脆，甜酸就个人觉得偏向酸，挺开胃的，份量亦较一般例牌多，也不错的咕噜肉。
梅香咸鱼煎肉饼，肉饼固然系啖啖肉，这里够厚身，有咬口，煎肉饼，够香口，食落亦够juicy，系到谂，如果用黎做burger应该几唔错，不过唔知系咪咸鱼既关系，就真系咸左d。
整体我觉得这里最好的系新鲜，煲仔饭水准不错，小菜几有惊喜，虽然要差不多一旧水碟，不过份量唔系例牌size，五至六个人黎，份量应该会刚好。店子细细，一贯大坑风格，人气旺就要坐路边。三个人，两个煲仔饭，三个小菜同一个汤，真系好饱。
张贴
