陳漢記 (已結業)

今日同老婆突然想食煲仔饭，就谂起两年前食过的陈汉记。去到依旧要排队，今次排咗差唔多成个钟，不过都值嘅(因为呢间啲煲仔饭真系唔错)。今次分别叫了黄鳝腊鸭脾加膶肠煲仔饭、公司煲仔饭、猪膶肠粉同芥兰。先讲个黄鳝，啲鳝肉好多吓，同埋咬落都几脆，而腊鸭脾就咸咗啲，不过捞埋啖饭食都ok。而条膶肠食落有好香玫瑰露味道，正。至于个公司煲仔饭，全部腊味都切到一粒粒，啱晒唔钟意有骨嘅朋友。但食落个感觉无传统煲仔饭咁好食。到个猪膶肠粉，呢个真系值得推介，啲猪膶都多，同埋都好香，有一种好似食紧鹅肝嘅感觉，唯独系碟肠粉可能摆咗好耐先拎出嚟，上枱时已经唔热，如果热辣辣上枱应该会正好多。