四季煲仔飯

营业中

休息中

一到冬天就会想食热辣辣、暖笠笠食物，除左平时常吃的打边炉/鸡煲，今次专程到访庙街食煲仔饭，踏上寻找饭香之旅。其实香港有好多煲仔饭传统老店，我地拣左其中一间人气之选 - 以炭火焗煮而闻名的四季煲仔饭，排左大约40分钟可以入座，可见煲仔饭真的好受香港人欢迎。食煲仔饭需要付出一点时间和耐性，在等候期间，我们点了炸鸭蛋蚝饼、腐乳通菜先填填肚。鸭蛋蚝饼分量超大，每粒蚝仔十分饱满，蚝饼炸得酥脆香口，加上鸭蛋比鸡蛋多了一份浓郁香气，不沾酱油已经好好味。腐乳通菜爽脆嫩绿，将蒜茸、腐乳酱爆香，再放到通菜一旁，可以随著自己喜好调教口味，确实细心。在吃蚝饼的中途，主角煲仔饭已经登场！煲仔饭选择众多，我们分别点了白鳝排骨和滑鸡煲仔饭，上枱够热，虽然知道白鳝营养价值高，可是我真的不太喜欢其口感，朋友却十分喜爱，大赞白鳝蒸得爽脆鲜甜，肉质肥美爽滑，看他吃得很满足。而我的滑鸡煲仔饭亦同样出色，鸡肉够厚身够滑嫩，分量很足够，加上自家制的酱油吃得很惹味，饭焦脆口不会太㶶，香味扑鼻，份外诱人。