成興大排檔

营业中

休息中

终于有机会做首位写食评嘅人，好开心呀。今日同老公嚟佐敦做D嘢，办完事就念起之前系庙街附近食过间好味煲仔饭，所以就想食，但我哋行嚟行去都揾唔到果间食店，最后见到呢度有煲仔饭食，就嚟试吓啦。一入到去，有个阿哥叫我哋坐corner 位，张枱都OK大，两个人坐都唔错。跟住我哋就order食物，我哋要咗咸鱼肉片煲仔饭和滑鸡煲仔饭，煲仔饭喺即叫即做，等咗二十分钟咸鱼肉片煲仔饭先到，一打开个盖就闻到好香，加上甜豉油，卖相唔错，试一啖先，好似湿咗D㖞，肉片唔错，咸鱼就冇味，overall就一般啦。跟住滑鸡煲仔饭到嘞，阿哥话要焗一阵先食，哎哟！原来要焗一阵先食嘅，唔怪得知个肉片煲仔饭湿咗D啦，傻瓜咗tim。我哋先食完个肉片饭，才打开滑鸡煲个盖，哗！真喺有分别，呢果够干身，D鸡都好味！原本都几好嘅，点知食吓食吓嘅时候，老公话有只小强喺我隔离行嚟行去，望一望，有一只小强行紧，又有一只死咗，唔想再睇嘞，快D食快D走啦。 其实呢间可以再嚟嘅，但就唔好坐corner位，切记！