坤記煲仔小菜

营业中

休息中

友人一等到天气转冷就会召集黎呢度开饭,  仲要预先订位, 眼见有WALK IN客真系无得食白走一趟, 可想而知呢度有几火红订左位好彩都唔要等好耐就可安排入坐, 环境系比较迫陕, 呢D真系为食物而来, 想食环境就唔系呢度啦!晚市小炒煲仔饭应市, 菜式选择都多, 大路嘅都有供应, 之前已经食过, 将想食嘅落单就可以, 无需花时间选菜 大厨将呢碟椒盐九肚鱼炸得外脆内软, 加上惹味椒盐, 点少少喼汁一齐食, 愈食愈想食, 若果九肚鱼可以再粗身大条少少会更加满足!天气冻冻地又够人脚, 点可以唔叫呢个足料猪骨煲呢?!  用气炉一路煲至滚起就食得, 另有一篮生菜可以自行加落去! 汤底以大量猪骨去肴制变成奶白色, 加上有鸡脚, 萝卜, 粟米及炸支竹, 味道鲜甜, 辣度不足, 加多D楜椒粒落去会更正!  猪骨大旧到用手食会方便D, 更加贴地!  鸡脚煲至骨肉分离, 轻轻一"啜"已经食到鸡皮及筋肉, 骨胶源爆发!主角滑鸡煲仔饭上枱, 份量一个人食岩岩好, 加埋个秘制豉油再上盖焗一焗, 打开时已经闻到好香豉油味, 鸡件舖满成个饭面, 唔食鸡皮既可以轻易撕走, 肉质果然好滑; 而个饭粒软硬度适中, 晶莹分明;