二鍋頭 (福苑)

营业中

休息中

Encore之选! 朋友睇完我d 食物相，话睇到流口水，咁就同佢地嚟左旺角分店再挑战大胃王。呢度鸡煲、鸭煲、猪手煲、火㶽全部任食，钟意食好d，可以加钱食埋和牛，或海鲜。比起好多火锅店嚟讲，选择较多元化。🥘鸡煲有得拣辣度，小小辣啱晒辣度唔高嘅人，小小刺激、惹味，易入口。🥘火焰鸳鸯鸭煲食完鸡煲转鸭煲。鸳鸯鸭原来系指鲜鸭件同埋油鸭件。个煲上枱，店员加入玫瑰露酒，点火，炒匀。加左酒嘅鸭件有淡淡嘅酒香，特别惹味。油鸭完全唔肥，有咸香。最好味系鸭掌，虽然唔算大只，但系炆得入味，又够腍。🥘第三㶽食埋火㶽，店员唔会喺鸭煲加汤就算，系重新再上一锅新嘅👍出边自助区嘅丸类、蔬菜等任攞。火锅纸上嘅脆鲩鱼腩同白鳝片，钟意食鱼嘅可以放心叫，骨唔多，都算鲜味，脆鲩真系几爽脆、弹牙。最后食埋榴梿雪条，非常满足。😋两小时任食，有咁多款选择，真系要再嚟多次，先可以试晒所有款式。