一芳台灣水果茶 (已結業)

同朋友行行下旺角，佢话想饮水果茶，佢就话朗豪坊4楼有间新开嘅叫一芳，仲听人讲话𠮶度嘅水果吃好好饮，所以就去试下喇。我地去到就见到都算几多人排队等，不过我地都照买咗，不过排到位买𠮶阵，佢部机突然临时出唔到单，我足足等咗10分钟但佢地嘅店员都处理唔掂部机，睇落好唔熟手，等咗我好耐，之后终于都print到单，就等叫我number，冇谂到前后等咗我50分钟先攞到水果茶！等到45分钟𠮶阵我问问佢到我未，佢话水果茶嘅茶要煲wor！究竟有咩茶要煲水煲足50分钟？！跟住终于攞到杯水果茶，我买咗中杯，结果一大半都系冰同水果，得几啖系水果茶，虽然真系几好饮嘅，但系真系有d细杯同埋水果占咗太多位，如果下次叫应该要叫少冰少甜，因为唔少甜嘅话味道太甜。多人个问题可能系因为星期日挂，但系我觉得佢地嘅效率可以再提高少少！