Check In ThaiViet (已結業)

📍Check In ThaiViet上环新街15-17号地舖同事30大寿食返餐好嘅，作为foodie嘅我喺OpenRice揾餐厅！睇啱左呢间，得到寿星嘅approval就梗系食呢间啦！舖头位置唔系好多，室内非吧枱只系坐到10个人，好彩我哋有Book咗～泰式金边粉 $78上环食泰国嘢好少咁平，同埋份量都好足够，首先要赞嘅系佢炒得唔油，加上酸酸甜甜嘅味道几fresh～佢好贴心咁将辣椒花生等配料放开一边，等你自己去调配，但系我太高估自己啦，捞晒全部辣椒落去，最尾食到耳仔有啲痛🥲。有几只虾，爽口唔霉！跟餐 泰式青木瓜沙律 $0青木瓜好爽口，不过沾染咗配料蕃茄嘅草青味。个人口味唔系几钟意。加配 泰式奶茶 +$15一定要加！好厚嘅炼奶底、有少量冰、同埋一个熊仔造型嘅茶冰🧸！茶系另上嘅，捞匀左之后味道啱啱好唔会太甜！加配 炸香蕉配椰子雪糕 +$48香蕉出面好似包住咗旧面包一齐炸咁。食落外脆内腍，几得意。另外有糖浆可以俾你yarm住嚟食，不过我个人钟意将个好重椰奶味嘅椰子雪糕放上去香蕉上面食，冰火两重天，好正。