影片
更多
2022-05-20
2844 浏览
之前黎过呢间九龙湾Megabox熊小馆食下午茶，今晚就不如黎食返餐晚餐试试。同其他分店一样，熊小馆主题系bear bear熊，有好多bear bear熊公仔陪你食野，细路最开心。呢度餐牌有沙律，头盘，汤，意大利面，饭，主菜，铁板餐，二人套餐，小熊套餐，饮品，甜品等。今晚唔要套餐，决定散叫。香草酱干番茄野菌阔条面 $69 另加一阔条面质感都唔差，有少少咬口，都好有蛋香，加左适当份量既香草酱，唔觉太油腻又够味。蔬菜有唔少菇片同干番茄，质素都正常，最后加少少菜苗点缀。板煎特级牛肩扒 $168 另加一板煎特级牛肩扒一客3大条，叫左三成熟，当中有两条熟度刚好，中间仲有少量血水。质感方面需要咬吓，肉味都浓，上面仲有香脆蒜片加添口感。另外跟左烧汁俾你沾。伴碟有香脆炸薯条，茄汁另上。仲有好多粟米粒，车厘茄两粒，芦笋一大条切开两半，都几嫩。特浓芝士铁板鸡扒 $98 另加一特浓芝士铁板鸡扒用块热辣辣铁板上枱，可选黑椒汁或者烧汁。鸡扒都好大块，连皮，皮上面有番茄汁同芝士，好邪恶。鸡肉好滑，又有肉汁，唔洗加汁食都得。配有少量洋葱丝，粟米粒，车厘茄同芦笋。当然仲有香脆炸薯条，茄汁都系另上。雪糕双球 $25 另加
呢度餐牌有沙律，头盘，汤，意大利面，饭，主菜，铁板餐，二人套餐，小熊套餐，饮品，甜品等。
今晚唔要套餐，决定散叫。
香草酱干番茄野菌阔条面 $69 另加一
阔条面质感都唔差，有少少咬口，都好有蛋香，加左适当份量既香草酱，唔觉太油腻又够味。蔬菜有唔少菇片同干番茄，质素都正常，最后加少少菜苗点缀。
板煎特级牛肩扒 $168 另加一
板煎特级牛肩扒一客3大条，叫左三成熟，当中有两条熟度刚好，中间仲有少量血水。质感方面需要咬吓，肉味都浓，上面仲有香脆蒜片加添口感。另外跟左烧汁俾你沾。伴碟有香脆炸薯条，茄汁另上。仲有好多粟米粒，车厘茄两粒，芦笋一大条切开两半，都几嫩。
特浓芝士铁板鸡扒 $98 另加一
特浓芝士铁板鸡扒用块热辣辣铁板上枱，可选黑椒汁或者烧汁。鸡扒都好大块，连皮，皮上面有番茄汁同芝士，好邪恶。鸡肉好滑，又有肉汁，唔洗加汁食都得。配有少量洋葱丝，粟米粒，车厘茄同芦笋。当然仲有香脆炸薯条，茄汁都系另上。
雪糕双球 $25 另加一
甜品简单叫左雪糕双球。拣左云呢拿同芒果味。雪糕球上面加左少量朱古力酱同彩虹朱古力碎，为呢餐画上完美句号。
今晚好热闹，好多小朋友帮衬，最正系有一个小朋友玩乐区，有玩具又有书。经理叔叔都好好人，会撩你讲野。
张贴
