牛川日本和牛專門店 (已結業)

牛川日本和牛专门店系间烧肉放题店，提供四个唔同价钱嘅套餐，任食沙律前菜、刺身、肉类、炸物等等💕晚市D餐(139品)($598 - 星期一至四)可以食到来自熊本同岩手嘅和牛，仲有贵价三重伊势蚝刺身同飞驒牛刺身，钟意食蚝嘅好易回到本，鲜味重🦪🦪首先会上咗和牛头盘，有唔同部位嘅A5和牛，包括熊本和牛西冷片、牛肩胛、牛五花、牛小排、牛冧、和牛西冷片、一口和牛肋粒、和牛柳同厚牛舌🥩真系好难得有过牛食，仲要有咁多款嘅选择，肉质非常好！海鲜方面，甲罗烧、三重伊势蚝、白鳗鱼、北海道帆立贝都系必嗌，回本之选，唔需要调味都咁好食！刺身就同一般放题店一样，有三文鱼、象拔蚌、希灵鱼、帆立贝等等。而寿司方面，就叫咗花之恋、吞拿鱼鱼蓉军舰同火炙左口鱼寿司过吓口瘾😂