Cakebearbear

营业中

休息中

🐻相信好多女士心目中都有一只最爱嘅bear🐻，我就比较贪心所以想有好多只，更加想俾好多只bear围住我食饭。🐻明太子忌廉大蚬意大利粉 $138意大利粉被明太子忌廉酱完全包围变成好靓嘅粉红色，每条都充满口感柔滑creamy嘅忌廉汁，仲带有明太子独特嘅辣味同微咸刺激味蕾，大蚬亦都真系名乎其实大大只，食落弹牙有口感，味道鲜甜，非常好味嘅一道意粉👍🏻。🐻芝士慕丝熊仔蛋糕 $58做型系超级得意可爱QQ到我望到心心眼嘅睡眠熊仔，靓到差啲唔舍得食，但味道真系太好味又忍唔住一路食，芝士味道浓郁香甜之余完全唔会腻。🐻柯华田雪花冰 $102超大碗嘅雪花冰上面仲有只熊仔冰，卖相就十分得意，味道亦都好出色，雪花冰本身浸入晒柯华田味，加上柯华田脆脆同麻糬粒粒，香甜之余口感层次丰富，食到底层仲有芝士同朱古力，真系越食越有惊喜嘅甜品，下次一定要试埋其他口味🤤。🐻千语星晨 $45主要由蝶豆花、橙汁同菠萝汁调制而成，卖相系紫色同橙色为主，饮落味道香甜充满果香味，上面只熊仔都可以当冰食架😂。🐻熊仔冷泡茶 $28茶底系乌龙茶，味道清新带有淡淡香甜味道，个樽系熊仔做型仲可以俾你拎走做纪念，作为熊痴嘅我真系爱不惜手😍。