真秘鍋 (已結業)

旺角呢间真秘锅，几乎系我同朋友聚会必去订房打边炉唱K嘅餐厅。秘锅－－鸡煲翅，系熟客/熟客介绍先识得预订嘅隐藏版豪华汤底。需要提早一至两日向餐厅order。熬足一日的鸡汤金黄，超级浓郁，入口每一口都是胶质，对于对食物有要求已经食惯咗一般火锅汤底嘅朋友，不妨试吓呢个隐藏式矜贵版秘锅，绝对系一试难忘，唔系普通汤底可以比拟的。另一个必点汤底系招牌九五之尊，龙虾味非常出，打边炉用嚟搭配海鲜配料真系冇得顶！龙虾锅入面嘅仲有特别QQ水晶粉，吸晒汤汁，又鲜又弹牙。呢度嘅刺身亦都好出色，新鲜即捞嘅澳龙刺身、象拔蚌刺身鲜甜爽口，仲有市面少见嘅花金古鱼刺身。自家丸饺手工制大粒有诚意，牛肉有本地手切鲜牛，有唔同矜贵部位，五花子带软骨，牛肉味浓兼且爽口。钟意来真秘锅，因为呢度除咗有VIP房有得唱K，仲有一个原因，系因为呢度食物质素好，同连锁集团唔同，火锅店食出半私房菜感觉，餐厅对食物有份执着、出品有诚意。