影片
更多
2022-09-06
536 浏览
炎鸟羽可以话系我人生食过最多次嘅餐厅，大大话话起码有三十几次，咁拣饮择食嘅年纪都做到熟客，证明有返咁上下料到。兵库县生蚝 ($58)买三送一有惊喜，首先比一般日本蚝大只厚身，味道都好浓郁，唔系得个甜字或者淡口𠮶种，系有层次嘅鲜甜蚝味，唔重海水或矿物金属味，余味好清，唔加酸汁都可以，媲美蚝吧外国蚝水准。海胆天妇罗 ($108)系我每次必点，完全唔怕太熟会嘥咗鲜甜嘅海胆，炸得香脆得黎火候啱啱好，只系比刺身扎实少少。 脆浆好薄，紫苏叶超级香，但唔会太抢味，海胆嘅质感同鲜甜味依然好突出，比起就咁生食更高层次。火炙左口鱼边 ($128)份量多到食得好爽。 油脂甘香就不在话下，大量细葱同酸汁、烧得尤其香口嘅左口鱼边，真系食到好感动。鸡肉棒 ($48)正常发挥，鸡肉烧得好香口，重点当然系蛋黄好浓郁有蛋味。芝士年糕 ($28)千万唔好受到放题嘅阴影影响，虽然佢平又饱肚，但真系饱到想呕都会想加返个。 年糕表面烧得好脆，夹心味道有啲似cream cheese，系好有深度嘅芝士味，配埋香口嘅紫菜好啱𩠌酒。紫菜鱿鱼须天妇罗 ($68)黑黑地望落唔算好开胃，但食落脆口好香紫菜味，每条都炸到直笔甩几有心思，问店员
兵库县生蚝 ($58)买三送一有惊喜，首先比一般日本蚝大只厚身，味道都好浓郁，唔系得个甜字或者淡口𠮶种，系有层次嘅鲜甜蚝味，唔重海水或矿物金属味，余味好清，唔加酸汁都可以，媲美蚝吧外国蚝水准。
海胆天妇罗 ($108)系我每次必点，完全唔怕太熟会嘥咗鲜甜嘅海胆，炸得香脆得黎火候啱啱好，只系比刺身扎实少少。 脆浆好薄，紫苏叶超级香，但唔会太抢味，海胆嘅质感同鲜甜味依然好突出，比起就咁生食更高层次。
火炙左口鱼边 ($128)份量多到食得好爽。 油脂甘香就不在话下，大量细葱同酸汁、烧得尤其香口嘅左口鱼边，真系食到好感动。
鸡肉棒 ($48)正常发挥，鸡肉烧得好香口，重点当然系蛋黄好浓郁有蛋味。
芝士年糕 ($28)千万唔好受到放题嘅阴影影响，虽然佢平又饱肚，但真系饱到想呕都会想加返个。 年糕表面烧得好脆，夹心味道有啲似cream cheese，系好有深度嘅芝士味，配埋香口嘅紫菜好啱𩠌酒。
紫菜鱿鱼须天妇罗 ($68)黑黑地望落唔算好开胃，但食落脆口好香紫菜味，每条都炸到直笔甩几有心思，问店员拎埋沙律酱好完美。
最难得嘅系呢度唔系单纯叫到贵一贵嘅居酒屋，午市套餐一百有找，加廿蚊就食到三串高质嘅串烧，所以其实我系午市常客，但每次带朋友同屋企人嚟佢地都赞不绝口。 有时钱就拎咗出嚟，想豪食都有机会买难受，想用得其所、合埋眼叫都好食，我懒，我会再嚟。
张贴
