時新漢堡飽 (已結業)

自己有幸系时新仍在红磡嘅时候爸爸带过我食一次，之后时新就结业，但今年时新卷土重来，今次搬迁到黄埔，所以今次到我带爸爸去回味当初熟悉既味道。装修比之前华丽得多，有两部大电视。餐牌颜色鲜艳，食物选择更多。虽然装修失去了港式快餐风格，但未尝不可？但求食物水准仍旧。时新最iconic既食物非汉堡包莫属，贪心嘅我叫咗双层汉堡包。烘过既嘉顿牌芝麻包夹住两块厚身汉堡扒加丰富沙律酱。有别于美国汉堡快餐店，时新既汉堡扒特别松化，充满怀旧港式风味。炸薯条转左炸鸡粒配咖喱汁。外表粉薄，炸到非常香脆，咖哩汁唔太辣。最后仲有一大杯红豆冰，红豆超多，奶味特别香浓。现时香港汉堡店竞争激烈，希望今次唔好再成为集体回忆，能够一直长久落去。