美味廚 (已結業)

约咗朋友TST睇戏，未开场，先谂边度医饱个肚，忽然想记得有人话美味厨响TST开咗分店，想到个碗超级美味既排骨菜饭，唔驶讲嘢，马上go! go !go!新店位置亚士厘道，高档的jimmy kitchen对面，由海防道可以行楼梯上去，都唔算难揾。装修同CWB既老店差不多，干净企理唔花巧。同行得两丁友，根本不用看餐牌。 套餐排骨菜饭配 酸辣汤X2：个餐保持到老店的水准，排骨即是厚切猪扒，外层香脆，内里松软，甜甜地，加埋碗带油香的菜饭，真系食极唔厌，越食越开胃。加埋酸辣汤亦系另一样我食极唔厌，黏稠适中，我钟意食辣，所以自己加料醋同胡椒粉，正！亦可惜，人丁单薄，唔能够试佢哋既新菜「水煮鱼」，但望到隔离台吃，卖相好似好好吸引。下次叫我老豆妈子请我再唻食。