峯日式料理

营业中

休息中

星期五晚同个好好好好朋友喺观塘揾食，一般人都会揾工厂大厦上面嘅楼上Cafe或者餐厅，但一反后生仔传统，走入骏业街熟食中心揾好西。骏业街熟食中心陪伴咗好多代喺观塘返工嘅打工仔，由以前一啲茶记、大排档发展到依家各国美食都会揾到，西餐、马来西亚菜、泰国菜、日本料理都有。今次喺土城日本料理同个好好好好朋友叫咗个二人餐，个二人餐其实都好丰富。.前菜：蒜味螺肉、沙律、面豉汤评分：🌟🌟🌟依啲嘢好难伏、但好难叫做好食。.小食：天妇罗虾、鸡唐扬(炸鸡)评分：🌟🌟🌟天妇罗虾就冇咩特别，店主拣咗只比较厚粉嘅原材料，所以一般。以炸鸡比较出色，入口热辣辣，脆卜卜。.主食：盐烧牛舌、蒲烧鳗鱼评分：🌟🌟🌟⭐️牛舌够大块，虽然冇烧得干身嘅感觉，但佢够腍同有味，再点埋啲盐更加凸显牛舌嘅香味。而鳗鱼真心香口，美中不足系唔够热，如果热辣辣嘅鳗鱼会更加好食。.成个二人餐已经够饱，如果要再加小食要三思。