奧壽司

营业中

休息中

上星期去数码港探朋友，佢问我想食咩，我二话不说话想食日本野，然后佢就带我去佢平时食开既奥寿司。餐厅好间感好大而且宁静，好适合同三五知己倾下计食下野。食物方面选择亦多，除左寿司刺身，仲有锅物、串烧、熟食，就算唔食生既朋友黎呢度都唔洗愁。讲下野食先寿司盛合(特上) - 卖相十分靓仔，$280有十款寿司，刺身鱼泽鲜明，厚度亦够。中拖罗甘香、海胆鲜甜、三文鱼子饱满、爽海虾爽甜，每款寿司都水准不错。呑拿鱼寿司 - 另外追加两件，食后口腔充满余韵。忌廉香蒜酒煮蚬 - 个汁好creamy带浓浓酒香，用黎点蒜蓉包食实在太好食！（事后忍唔住叫多款有蒜蓉包既菜式继续点汁）蚬肉肥美，酒味渗透却不失海水鲜味。牛脷串 - 厚切牛舌配上黑椒海盐调味，烧得恰到好处，牛舌爽口无筋，推介。炸鱿鱼须 - 炸得香口，佐酒神物。云丹蟹粥 - 略带金黄的云丹蟹粥，粥香滑软绵，带有微微鲜味，不错。总括黎讲几满意佢既食物，虽然价钱唔算平，但用料唔错，热食同烧物都显出厨师功架。唯一可以改善既卡位既sofa都坐得几唔舒服，下次黎会坐其他位。