鮨德

营业中

休息中

今日晏昼同同事黎到呢间睇落好有格调既鮨德🍣我嗌左个日替定食😛其中一格入面有鲷鱼寿司，吞拿鱼蓉寿司同帆立贝寿司🍣个吞拿鱼蓉非常大旧，好似就黎同寿司饭一样咁大，鱼料亦都几新鲜😛唔错👍🏼第二格系三文鱼，甜虾同鲷鱼刺身🐟三文鱼切得非常之厚，我谂佢地真系谂住俾你食到够先切到咁厚，都系新鲜的😋第三格系洋葱三文鱼沙律寿司同两旧有“鮨德”两个字既玉子🥚洋葱三文鱼沙律寿司超级有惊喜！洋葱带甜又有少少辛辣味非常惹味，增添左啲爽脆既口感，同三文鱼捞埋一齐系绝配🥰仲有加沙律酱令个口感油润啲，唔会食食下觉得好干😍呢个炸牛肉饼又系一绝🧆系牛绞肉捞埋啲洋葱碎一齐去炸，洋葱帮牛肉加左几分甜味，牛肉唔会话pack到好实先炸，咬落系舒服松脆的😋仲要系即叫即炸的，外脆内软，非常好食！但可惜系食第二件会有啲漏😮讲真呢个价佢俾到呢个质素既野食我，已经系中上水准🤩一定有下次啊🥰