OPPA韓國燒肉店 (已結業)

今日天文台本身话会落雨，点知成日都冇落过，所以就继续原定去大埔踩单车嘅行程，踩完之后朋友话想食任食，就简左呢一间韩烧，5:30入座7:30埋单走人，每位$268加一。餐厅装潢几有韩式风格，而侍应服务亦好好讲返食物，首先上枱嘅系，一块牛形状嘅肉类并盘，上面有黑毛和牛舌、无骨牛肋肉、M7澳洲和牛上颈脊、黑毛和牛肩、霜降小牛排、澳洲和牛金展、黑毛和牛三角腩、梨泰院牛排骨及原条五花腩。咁多款牛肉我个人觉到梨泰院牛排骨系最好食，腌得非常入味，牛味浓郁。黑毛和牛三角腩脂肪入口即溶，实在没得输。除咗烧肉之外，其实佢啲熟食都做得几出色，就好似你煲参鸡汤，一煲其实都够两三个人饮，参味唔算好浓，但鸡汤味道都几浓，饮完可以清一清烧肉嘅油脂感。蚬汤就有萝卜、蚬肉、粉丝、猪肠，呢个组合其实都几特别，估唔到煲出嚟嘅汤有另一番嘅鲜甜味道最后竟然仲送一杯咁矜贵嘅movenpick 雪糕