影片
更多
2018-11-07
1575 浏览
讲到识饮识食，其中一只饭脚面包班同学仔Ivan兄佢比我坚识食，仲识煮，所以，见有一家主打干式熟成（Dry-Aged）牛扒嘅餐厅「Bellevue Bar & Grill」新开业，大家都非常有兴趣一试，揾咗晚大家嘅老婆都各自有局，相约嚟「撑枱脚」，讲吓饮饮食食、旅行嘢。餐厅位处油麻地「誉发广场」23楼，离地铁只喺一街之隔，交通非常方便。而餐厅两面都喺落地大玻璃，对出都未有高楼遮挡，虽然只喺一般嘅楼景，但日头嚟相信景观开扬，就算晚上嚟，亦有种居高临下嘅感觉。一出电梯时，餐厅门面喺大大张墙画，画有带阔边帽嘅淑女之外，旁边仲有狮子山及香港高楼大厦嘅剪影，心想，内里会唔会带种俏皮嘅风格？但入到店内，都仲有几幅同系列嘅墙画，不过，一室幽暗嘅环境，配以精致嘅水晶球吊灯，极富气氛，亦睇得出晌装修上花咗唔少功夫。此外，算喺餐厅嘅中间位，设计咗一个巨型酒吧位，加上特别光效，背后又陈列出一支又一支餐酒，喺几抢眼。若非友人刚刚病好，否则，佢一定点番杯红酒嚟衬番啲牛扒。但有少少可惜，晌呢处并未设有只供客人浅酌嘅吧位，或许，店主喺想客人就算嚟饮几杯，都想佢哋坐晌餐椅上舒服啲。但讲到啲餐椅，喂！真喺舒服㖞，唔单单喺
餐厅位处油麻地「誉发广场」23楼，离地铁只喺一街之隔，交通非常方便。而餐厅两面都喺落地大玻璃，对出都未有高楼遮挡，虽然只喺一般嘅楼景，但日头嚟相信景观开扬，就算晚上嚟，亦有种居高临下嘅感觉。
一出电梯时，餐厅门面喺大大张墙画，画有带阔边帽嘅淑女之外，旁边仲有狮子山及香港高楼大厦嘅剪影，心想，内里会唔会带种俏皮嘅风格？但入到店内，都仲有几幅同系列嘅墙画，不过，一室幽暗嘅环境，配以精致嘅水晶球吊灯，极富气氛，亦睇得出晌装修上花咗唔少功夫。
此外，算喺餐厅嘅中间位，设计咗一个巨型酒吧位，加上特别光效，背后又陈列出一支又一支餐酒，喺几抢眼。若非友人刚刚病好，否则，佢一定点番杯红酒嚟衬番啲牛扒。但有少少可惜，晌呢处并未设有只供客人浅酌嘅吧位，或许，店主喺想客人就算嚟饮几杯，都想佢哋坐晌餐椅上舒服啲。
但讲到啲餐椅，喂！真喺舒服㖞，唔单单喺皮椅嘅问题，配合餐枱嘅高度，两边嘅弧位及背脊嘅弯度，都让人感觉好舒服。而餐枱虽一早摆好晒餐具，但落单后，侍应会因应你点嘅菜式而再调节所需餐具；仲有一点顺带一提，每换上新碟，餐碟上店家嘅名字都喺对准12点位，可见服务非常细致，绝对喺素有训练。
嚟得呢类地方都属于高消费，一般都唔会供应普通清水，一支意大利Acqua Panna天然矿泉水，盛惠$45。
翻开餐牌，先有一版目录，概括就会了解到有咩菜式种类，如干式熟成牛肉、头盘、沙律、汤、烧烤海鲜、家禽肉类、主菜、素菜及甜品。
既然主打喺干式熟成牛肉，当然喺要重点介绍啦，所以，再翻开一版，就会简单介绍吓咩喺干式熟成，呢个做法嘅牛肉会变成点。
此外，餐厅更欢迎大家参观佢哋放晌最入面嘅熟成柜，每一条牛肉都会记低几时开始熟成，一般而言，以30日左右为佳。一条西冷，晌熟成期间，往往切走唔少表面唔会食用嘅肉。
由于餐厅嘅灯光确喺较暗，所以，影出嚟嘅餐牌唔算好清楚，效果麻麻，希望多多包容，哈哈！
补充多点，其实餐厅有「精选晚市套餐」供应，而且，4道菜连餐前小食及餐饮，都喺$398 + 10%，睇起嚟性价比高，但可惜主菜只有一款限定。后来跟店方交流，原来因为刚开张，未敢提供太多选择，但会逐步慢慢做，期望将来可以加添至三至四款主菜选择，咁就较易吸引客人帮衬。
面包篮配香草牛油餐前先嚟两个小圆包，初时以为一样，但再细心啲睇，一个应喺额外加入奥勒冈香草，食落有阵阵独特香味。不过，讲到惊喜，喺啲牛油，柔滑而富香草香。
扒黑椒吞拿鱼伴希腊沙律 $168卖相精致，而且色彩缤纷，希腊沙律嘅食材食落感觉好新鲜；不过，吞拿鱼略嫌烧得略熟，再生一点更能够突出其鲜味，此外，小弟个人就觉得黑椒味稍重，某程度冚咗少少鱼鲜味，不妨改用黑椒拼黑白芝麻，减少黑椒嘅霸气，效果或许会好啲。
龙虾汤伴烟肉海鲜云吞 $138净喺睇到个汤色已经好对办，一抹鲜橙红色，入口极尽虾鲜味，质感幼滑细致，汤内更有唔少龙虾肉；而烟肉海鲜云吞亦出色，外皮脆而不腻，味道咸香，可以讲喺今晚无任何挑剔嘅一道菜式。题外话，从出汤及主菜，都睇到服务嘅细节，就喺同类嘅菜式，都会同步上枱，绝无你饮完晒个汤，先嚟我嘅汤，而且，上菜都会先后有序。
龙虾汤伴烟肉海鲜云吞
$138
17 浏览
0 赞好
0 留言
鸡肉鲜菌清汤 $108「清汤」真喺要特别解释一下，佢本身喺一道法国菜，将浓郁嘅汤底以蛋白黐走啲杂质而变清，所以，见到碟清汤清澈见底，就知首要嘅功夫已经做到足；而汤内混有嫩滑嘅鸡丁及菌粒，只喺上枱时汤嘅热度只有微暖，令味道大打折扣。
烤虎虾伴香草酱天使面 $198主食方面，先嚟一道天使面，巨型嘅虎虾成为呢道菜嘅亮点，卖相亦好够立体。天使面做得刚好，因为外间唔少餐厅做天使面都过火，变得过腍，呢次嘅面条就柔滑如发丝，份量亦可不少；不过香草酱可以减少份量，令面条不致太油腻，虽然都喺啲健康嘅橄榄油，但纯感觉嘅问题而已。虎虾虽然好有睇头，不过，口感却意外地未有预期般爽弹。
澳洲M5熟成和牛肉眼扒 $550是夜嘅主角卒之压轴登场，餐厅嘅熟成牛扒有3款供应，包括美国安格斯嘅西冷及肉眼，以及更上一层楼嘅澳洲M5和牛肉眼，定价为每安士$45、$48及$55，Ivan兄都话呢个价都算抵食，因为佢不时都会买熟成牛返屋企煎，外间嘅零售价都相差无几，晌度仲加埋配菜，以及招呼埋你。而无论边款都好，份量都可以拣10、16、24安士。
个肉眼喺最期待嘅菜式，食得出件肉眼本身喺好高质素，熟成后令肉味更加浓郁，烧出来嘅外观非常靓仔，外层带点焦脆，似喺有种炭火香咁，不过，似乎稍微熟咗少少，但肉质仍然好腍滑，极富肉味，顺带一提，个烧汁调校得甚香浓；而配菜都好丰富，有薯蓉、车厘茄、露笋仔、灯笼椒及忌廉菠菜，薯蓉非常软滑，其余蔬菜都烤过嚟，有份香气，忌廉菠菜入口好嫩滑，用料不赖。
焗迷你火焰雪山伴野莓焦糖炖蛋 $88一餐完满嘅晚饭，以甜品作结喺常识吧，况且，小弟同Ivan兄素来都对甜品甚有研究，我哋真喺唔止识吹架，仲识整。呢道甜品就可以一次过试到两款甜点，先讲个法式焦糖炖蛋，焦糖部份做得薄脆且焦香，但炖蛋部份则稍嫌削身少许；而焗火焰雪山本身味道不俗，面层嘅蛋白好清甜，内里嘅曲奇雪糕亦好软滑。如能晌上枱时淋上少少白兰地或冧酒再点火，营做出火焰效果就更有卖点。
整体而言，我哋都好满意餐厅嘅环境及服务，环境令人感到很自在，座椅好舒服，侍应嘅服务也非常贴心，主动添水，更换餐具，殷勤态度，保持笑容，均是值得一赞嘅地方；但可能喺新开关系，在多方面都需要磨合，故仍有不少地方有改善空间，例如上菜嘅速度、部份菜式嘅热度，都值得注意吓。事后有机会跟店主交流，感觉佢都好用心聆听客人嘅意见，相信再磨合一般时间，再作出相应嘅调整，餐厅晌各方面会做得更出色。
张贴
