影片
更多
2015-10-02
1628 浏览
早前睇杂志见到依家新韩烧店，再加埋睇到食友嘅食评，搞甚么「熨斗」韩烧，觉得几得意过瘾，但又见到有啲负评，所以，十五十六试唔试好，最后大家都话试，原因都喺贪新鲜。可能新店关系，又喺位处旺区，交通方便，所以，晌门口见唔少人等位，虽然订咗位，都要等一阵先有枱，韩烧果然人气依然。踏入店内，内里一如好多韩烧店，型格行先，石屎墙，曲形辛铁，营造成一个小洞穴咁款；不过，「电油筒」圆櫈外，餐枱就有别常见嘅不锈钢，改以木枱，添加咗一份暖和感。而抽风系统采用上抽式活动抽风管，效果算OK，至少枱枱坐满时都唔会烟雾弥漫。叫得韩烧店，烧烤当然喺主打，以牛肉嘅种类最多，此外，唔少得鸡肉、猪肉、海鲜、蔬菜；仲有一啲餐前嘅开胃小食，如沙律、紫青瓜、八爪鱼……等等，以及多款香口菜式同饭面。我哋先点饮品，边饮边等个炉「庆」热，而饮品选择唔多，就喺头上吊住个餐牌度，Cider Special、韩国罐装果汁，一只手都数得晒。Lychee Cider Special、Strawberry Cider Special $43小弟拣咗款荔枝西打，之前晌元朗一间韩食店都试过依款饮品，贪佢冰凉清爽够大杯，西打有少少似柠七味，全无酒精成
可能新店关系，又喺位处旺区，交通方便，所以，晌门口见唔少人等位，虽然订咗位，都要等一阵先有枱，韩烧果然人气依然。
踏入店内，内里一如好多韩烧店，型格行先，石屎墙，曲形辛铁，营造成一个小洞穴咁款；不过，「电油筒」圆櫈外，餐枱就有别常见嘅不锈钢，改以木枱，添加咗一份暖和感。而抽风系统采用上抽式活动抽风管，效果算OK，至少枱枱坐满时都唔会烟雾弥漫。
叫得韩烧店，烧烤当然喺主打，以牛肉嘅种类最多，此外，唔少得鸡肉、猪肉、海鲜、蔬菜；仲有一啲餐前嘅开胃小食，如沙律、紫青瓜、八爪鱼……等等，以及多款香口菜式同饭面。
我哋先点饮品，边饮边等个炉「庆」热，而饮品选择唔多，就喺头上吊住个餐牌度，Cider Special、韩国罐装果汁，一只手都数得晒。
Lychee Cider Special、Strawberry Cider Special $43小弟拣咗款荔枝西打，之前晌元朗一间韩食店都试过依款饮品，贪佢冰凉清爽够大杯，西打有少少似柠七味，全无酒精成份，沟入少少荔枝糖浆，一边食热辣辣烧肉，一边饮住凉朕朕嘅西打，爽呀！友人嘅士多啤梨西打，卖相有啲「肉酸」，但味道不错嘅，佢话感觉似饮紧士多啤梨味嘅梳打。
Lychee Cider Special
$43
32 浏览
0 赞好
0 留言
另一位友人怕饮唔晒，所以，拣咗细细罐嘅韩国青提汁，依一款果汁依家晌好多韩国菜馆都有，味道较为清怡，内里又少少果肉。
青提汁
$22
29 浏览
0 赞好
0 留言
记得第一次食韩烧嘅炉边烤蛋，只喺净蛋嚟，跟住又见识过加入韩式泡菜嘅版本，今次晌熨烤达人，就喺粟米、芝士及泡菜嘅自助版本。由店员淋上浓浓嘅蛋浆，再自行按个人口味加上配料，等到食完啲烤肉，临尾就有嫩滑烤「三式」蛋食。
炉边烤蛋
32 浏览
0 赞好
0 留言
脆卜卜大园手搅饭 $68无论烤蛋又好，烤肉又好，等到有得食都需时，所以，店员推介我哋试试佢话个热门手搅饭，见有唔少客都点，我哋见几得意又点一客嚟试试。
虽然话喺「饭」，不过，饭占嘅比例唔重，配料有蟹子、吞拿鱼、青瓜丝、蛋丝、脆米及蛋黄酱，食法喺将所有材料拌匀，再紫菜卷入迷你雪糕筒，再放入配料，好似食手卷咁，但就多咗雪糕筒嘅脆口感，而饀料因为有多种材料，又加有青瓜及蛋黄酱，所以，味道丰富，开胃清爽。相信女生或小孩都喜爱依个手搅饭，之不过，捞出嚟「饭」就好多，但雪糕筒只得两个，又无得另外再单叫雪糕筒，故此，之前就变成当佢喺净食嘅前菜「沙律」。
脆卜卜大园手搅饭
$68
85 浏览
1 赞好
0 留言
泡沫咖啡炸鸡 $128（半份） / $188（全份）原来依度都有卖韩式铁铲菜式，曾经试过芝士排骨，所以，就拣咗泡沫咖啡炸鸡，有半份或全份，够弹性，我哋人少少自不然半份够晒数。
虽然话半份，其实都唔少，而且，卖相甚有心思，底层喺芝士浆，以瓦斯炉热住，垫底有紫薯蓉及咖啡忌廉，初头我哋以为喺分开食，原来又喺捞匀嚟食，真喺见识少，不过，捞匀咗个样就无咁好睇，但味道就有啲层次，唔会净喺食炸鸡咁单调。反而，最有惊喜喺鸡件唔单止去骨，仲酿入芝士，一咬爆浆，「芝」味无限。
泡沫咖啡炸鸡
$128
98 浏览
2 赞好
0 留言
因为「餐前」食咗个大园手搅饭，又加半份泡沫咖啡炸鸡，所以，入到正题就唔敢点太多，牛、猪、海鲜就每类要一款，志在过吓韩烧瘾。
厚切五花肉（150g） $105晌其他韩烧店见嘅五花肉通常喺切好一块块，但依度就原件过，不过，都鎅开咗少少。烧五花肉就喺「熨斗先生」嘅登场时间，亦喺揾店员帮帮手嘅时候，因为五花肉采用厚切，烧得要有技巧，经佢讲解及少少示范，大概都捉到门路。
先烧底面两边，每边大概3分钟，并以「熨斗」压实，目的喺令表面烧得平均，而且，加快烧封外层，锁住肉汁免流失，跟住就栋起佢烧两侧，最后剪成一件件再烧一烧，烧至金黄就差不多，再辣多阵有啲㶶边就仲焦香惹味。其实，据店员讲，个「熨斗」晌烧猪皮、鱿鱼须、鱼柳时就更发挥到佢个用处，可以压住令食材唔会咁易卷曲。
厚切五花肉
$105
20 浏览
0 赞好
0 留言
至于件五花肉，充满油香，肉质够晒软腍，又有咬口，入口好有肉香，包生菜食就最好，可减低油腻感。
北海道帆立贝 $118烧完五花肉，换咗个钢丝网。帆立贝睇落又大又新鲜，烧帆立贝要好有耐性，因为需要烧嘅时间较长，而烧好嘅帆立贝大概会缩水咗两乘左右，但味道鲜甜，口感非常柔软。
北海道帆立贝
$118
23 浏览
0 赞好
0 留言
特级雪花牛（150g） $180一客特级雪花牛（150g）有8片，每片大概成人两只半手指粗，色泽鲜润，油花分布平均。因为牛可以比较生食，所以，个人而言，将两面烧到上色我就觉得OK喇，虽然枱上有酱油及韩国辣椒酱，小弟就喜欢净食食其原味多啲，的确，牛肉既腍滑，又富油香，实在「脂」味无穷。
特级雪花牛
$180
24 浏览
0 赞好
0 留言
服务方面唔错，换碟、换网基本嘢都做足，只喺见太多客，有时又要帮客烧吓五花肉同海鲜，佢哋都变得招呼唔彻所有客，好易被客人觉得有种务失嘅感觉。后尾计计数，好似几款套餐仲抵食。
可能有啲人觉得个「熨斗」喺花巧嘢居多，但又真喺有佢实际用处，当然，食材质素先喺吸客嘅重点，食过今餐，都总算无咩失望！
张贴
