八沢 (已搬遷) 新店位置

今晚想食串烧，见此店评价唔错，去试一试。6：20到达，一个客人都无，有D担心。服务员立刻上前热情招待，话随便坐，今日返咗好多海鲜...另一位疑似老板再过黎推介食物，包括蚝乌冬、忌廉海鲜乌冬、猪骨拉面（佢话D客话好食过一兰，真的吗？！）、串烧羊、蚝、鳝...桃味特饮：几好，桃味唔太假又唔太甜蕃茄沙律：佢话系自家制酱料，酸酸甜甜，开胃好味蚝乌冬：蚝都几大只，汤底自淡淡蚝味加上猪肉味，唔错。乌冬都算弹牙，好快已经食晒。牛舌：厚切，有口感猪肉：超正，有猪肉味又juicy鸡软骨：个人觉得咸咗少少，老板即过黎话下次可以叫佢地轻手D，仲问未到嘅串烧要唔淡D（好细心呀！）茄子：又系厚切，外脆内juicy，正鸡翼：够惹味烟肉蕃茄：一啖食，蕃茄于口内爆汁，好热不过好好玩白鳝：老板话今日返两条大白鳝，一定要试下。真系好鲜味，好食过好多高级串烧店。其实食海鲜，最紧要系材料新鲜，烹调技术的其次。食食吓都已经八成满，老板热情得来又唔hard sell，不过地方就细D，下次我都要早D至得。