勝博殿日式炸豬排 (已結業)

朋友一直心心念念想食日式猪扒饭，所以我就带左佢黎食呢间啦。我地简左两个套餐，先上一碗菜，右手边有醋同芝麻酱。呢种菜碗醋真系好好食，我忍唔住狂加之后就上前菜啦，我地分别叫左秋葵豆腐，海葵沙律，同嫩鸡沙律。豆腐好嫩，而秋葵系放系豆腐旁边，秋葵唔系人人都钟意食，所以如果唔钟意食其实可以无视。海葵，嫩鸡沙律就不过不失。食完前菜就到主菜啦！一个系比较贵既猪扒，唔知大家又睇唔睇得出边个系呢！两种猪其实差不多，不过比较贵既会嫩口D，但总体食落既分别不大。不过两者，其实只系相差数十元，所以我都系比较推荐贵D既！甜品来了，白玉红豆甜品。我觉得有少少似日本既红豆汤。有汤圆，红豆，同透明无味道既方形啫厘。