牛摩 (荃灣千色匯I) (已結業)

朋友系个打边炉狂客，大热天时提议荃湾打边炉，本黎都唔想同佢癫，但难得佢咁有兴致，算啦，一于舍命陪君子。行经牛摩，见个装潢好得意，睇睇个menu。都好多价钱既选择，因为陪食性质，选左个中价位牛颈脊套餐。夏天打边边既一大好处系比较多位，加上我地一早去到，可以选个靓座位。呢度有特色既一人一炉，朋友选左个清清地既苹果汤底。我就选左虫草花汤底，白白浓汤上飘左d虫草花。酱料区酱料齐全，自己调配适当口味。有少量涷食，冷盘同甜品。菇，瓜，菜，丸类都可以自己系自助区任拎任食。钟意食清淡既可以配成杂菜丸煲减低任食既罪恶感。我地个平餐可选既海鲜就有鱿鱼仔，凡立贝仲有青口。每次可以点2件，但可以无限任点。肉类就猪，牛，羊，鸡样样齐，都系自己QR code自己点餐。埋单500蚊左右，满足到朋友呢个打边边加肉类爱好者既期望，又配合我呢个陪食者食得健康又舒服既感觉，非常好不过虽然系陪食，我下次应该会选个贵d既餐，有多d海鲜选择，建议如果都唔系食肉兽既人都不防Upgrade 就有海虾，扇页类海鲜，睇图几吸引。