影片
更多
2013-09-05
1030 浏览
屹立铜锣湾嘉路连山道逾40多年嘅老舖「丹麦饼店」，因店舖早前以7,800万元易手，而据报纸报导，该铺位市值月租达12万元，相对依家丹麦老细只喺交紧5万多元月租，新业主又岂会唔蠢蠢欲动加租呢？虽然店舖晌易手前已跟旧业主续租，短期无乜加价压力，但租期余下年半左近，时间好快过，老细表明，如将来加租，不排除考虑加价，相信到时都有唔少街坊、市民支持。搬铺可能喺另一条出路，所以小弟真喺好佩服七十多岁嘅老细，无打算执咗佢就算，早早作出两手准备，晌对岸尖沙咀厚福街开分店，一来唔知旧铺将来加租加成点，万一旧铺真喺顶唔住都有间新店作后著，二来晌另一区开新店亦可试试水温，睇吓「丹麦饼店」个老招牌吸引力如何，还是只喺得街坊生意！这晚出开尖沙咀，又无饭开，所以过嚟丹麦饼店支持吓。印象中记得晌厚福街，小弟对尖沙咀都算熟啦，点解行匀都唔见，前后再兜多一转。好彩见到有个哥仔边行边食住条热狗，晌厚福街尾转入条巷仔走出嚟，否则就错过咗。丹麦新店铺位细细，铺后喺厨房，铺面已经变成水吧，客人落完单就要晌铺前巷仔等候。而所有食物，就印备晒晌铺面右侧嘅胶海报上。炸洋葱圈 $15由于即叫即炸，所以等候需时，不过保证到手新鲜热辣。即
这晚出开尖沙咀，又无饭开，所以过嚟丹麦饼店支持吓。印象中记得晌厚福街，小弟对尖沙咀都算熟啦，点解行匀都唔见，前后再兜多一转。好彩见到有个哥仔边行边食住条热狗，晌厚福街尾转入条巷仔走出嚟，否则就错过咗。丹麦新店铺位细细，铺后喺厨房，铺面已经变成水吧，客人落完单就要晌铺前巷仔等候。而所有食物，就印备晒晌铺面右侧嘅胶海报上。
炸洋葱圈 $15由于即叫即炸，所以等候需时，不过保证到手新鲜热辣。即场试食一件，甘香松脆，拎到返屋企，都仲OK，而洋葱切得颇粗身，所以炸出嚟嘅洋葱圈几大件，唯一问题就喺有啲咸，应该喺粉浆出问题吧。
港式热狗（单肠） $12热狗肠就晌铺面右边不断烤烘，有单就即翻烘热狗包，涂上牛油加香肠就成，而想加茄酱定芥辣，就晌铺前自行取用就得喇。虽然热狗无咩惊天味道，但依旧有种港式快餐嘅古旧风味，有时老铺就喺想食番依种古早情怀。
热咖啡 $11色泽较为深沉，但咖啡幽香依然，配上黑白淡奶，虽则未至于滑如丝，起码都唔会叫人失望。
虽然小弟对丹麦饼店无乜集体回忆，更谈唔上有咩感情，不过老铺总有其存在价值，执一间就少一间，故此都希望「丹麦」能永远长存！
张贴
