夜貓。燒

营业中

休息中

因为假期加上消费卷，成个商场人头涌涌，喺无订枱嘅情况下，同老公决定早啲食晚饭费事有排排。5点几食完就返左屋企。点知夜晚到左9点几我地一齐想揾嘢食，我就提议左食串烧，即庆openrice 睇下，见到依间新开嘅串烧仲可以直接book 11:00就谂住试下。虽然元朗唔系好近我地但为左食无计啦。10:30到左，店面唔大只有3张4人枱，店员话可以开张枱俾我地坐室外，我地都无所谓，不过天气麻麻有d 落雨，佢都好细心话如果入面一有枱就帮我地调返入去。我地即刻scan code 落单，嘢食未到就已经转返坐室内，虽然店面唔大但抽风系统非常好，完全唔会觉得好大油烟。整体食物都几OK, 可惜想试埋个麻辣烫但冇晒。而且店员service 都好好，虽然佢地好busy, 但系都唔会冷落食客。临走我问下佢地平时几点Last order, 厨房个哥哥就话就算11:59 （佢地收12:00) 都可以照whatsapp 佢地落单，所以觉得佢地真系好有heart，疫市创业唔容易，希望佢地保持依份热血同水准👍🏼虽然只有3张枱但听到其实不停有人叫外卖，所以希望大家想食好嘢记得要耐心d。