影片
更多
2018-01-28
1327 浏览
去年与友人戏言打赌，若能成功完作全马赛事可以无条件得到一个愿望。皇天不负有心人，今晚就系朋友兑现承诺之时。其实同友人讲左愿望好简单，就系食一餐好嘅迎接新一年所以拣左呢间隐藏于闹市中嘅日本料理店，食个OMAKASE奖励下自己。既然朋友话要找数，就唔使锡住佢荷包喇，所以点左个18种加卷物嘅祥鹤，等佢肉赤一下。前菜先有呢度自家腌制嘅萝卜以及文蛤清汤。萝卜酸酸脆脆的，十分开胃。而系寒冷嘅天气下进食一碗暖胃而清澈鲜甜嘅文蛤汤，即时将寒意驱走不少加上蛤肉饱满有弹性，不错。之后系赤贝刺身，贝肉切成一梳梳做成蝴蝶型的造型，为本来爽口鲜甜嘅贝肉增加不少口感。沾上少许柚子酱油令鲜度更突出。而日本珍蚝则以小量萝卜泥及葱花调味，将蚝肉本身嘅饱满及甜度表露无遗，令爽脆裙边及蚝囊系口腔嘅味道久久不散。之后系火炙鲈鱼及平目鱼酒盗。鲈鱼经过炝烧后鱼皮焦脆带半熟鱼肉软软腍腍的，非常易入口。而酒盗即系以鱼内脏加盐腌渍发醇而成，咸香味道十分强烈。但配上清淡薄切嘅平目鱼肉两者中和下，腥味唔会好重，系一道几好食嘅下酒菜。若然配上清酒就更好味了。白子及海胆汤叶系食完酒盗之后显得格外香甜及顺滑。因为汤叶嘅豆香加上海胆嘅甜，大大地刷
既然朋友话要找数，就唔使锡住佢荷包喇，所以点左个18种加卷物嘅祥鹤，等佢肉赤一下。前菜先有呢度自家腌制嘅萝卜以及文蛤清汤。萝卜酸酸脆脆的，十分开胃。而系寒冷嘅天气下进食一碗暖胃而清澈鲜甜嘅文蛤汤，即时将寒意驱走不少加上蛤肉饱满有弹性，不错。
之后系赤贝刺身，贝肉切成一梳梳做成蝴蝶型的造型，为本来爽口鲜甜嘅贝肉增加不少口感。沾上少许柚子酱油令鲜度更突出。而日本珍蚝则以小量萝卜泥及葱花调味，将蚝肉本身嘅饱满及甜度表露无遗，令爽脆裙边及蚝囊系口腔嘅味道久久不散。
之后系火炙鲈鱼及平目鱼酒盗。鲈鱼经过炝烧后鱼皮焦脆带半熟鱼肉软软腍腍的，非常易入口。而酒盗即系以鱼内脏加盐腌渍发醇而成，咸香味道十分强烈。但配上清淡薄切嘅平目鱼肉两者中和下，腥味唔会好重，系一道几好食嘅下酒菜。若然配上清酒就更好味了。
白子及海胆汤叶系食完酒盗之后显得格外香甜及顺滑。因为汤叶嘅豆香加上海胆嘅甜，大大地刷去酒盗嘅强烈味道。令火炙白子嘅奶滑更加明显。师传咁嘅味道安排堆叠，令三者嘅味道印象深刻。
𫚕鱼刺身系冬季嘅时令鱼，肥美嘅鱼肉入口鲜甜。加上厚切关系咬落去重重嘅油脂香味十分可口。而𩽾康鱼肝质感比想像中结实，但没想到入口味道浓郁到好似食紧鹅肝咁，系柚子酱油配搭下味道清爽了不少。
带子海胆卷系师傅手中接过后一定要即刻食，因为紫菜实在系太酥脆了，炙烧完嘅半熟带子温度微暖夹住冷冷的海胆，反差口感同鲜甜味道系口腔内徘徊，滋味非常。
之后系两款煮物：蒸鲍鱼及煮八爪鱼。两者都煮得好入味同弹牙，将肉质嘅深厚味带出黎，细嚼之下酱香味道慢慢散发出黎一啲都唔会觉得混浊。当中嘅萝卜吸收晒汤汁嘅精华，味道唔比两个肉主角逊色。
刺身之后就进入寿司部分，呢度嘅醋饭用上赤醋调味，酸味温和之余更多了一丝陈郁香气，味道更搭鱼肉。店员更附上湿纸巾等我地可以用手直接进食，口味更佳。
醋小肌入口微酸，肉感结实。表面嘅柚子皮碎屑令味道更觉清爽。
赤血引，亦系冬季时令鱼材。鱼肉油脂较少反而甘甜同爽脆，因为味道之美媲美拖罗，所以都系日本好少会出口嘅鱼种，依家可以系呢度食到真系好讲师傅嘅眼光触觉同彩数。
针鱼寿司，表面用上姜茸中间夹有细葱取代山葵，更能带出纤细鱼肉嘅鲜味。
拖罗寿司用上吞拿鱼嘅颈位肉，同样油脂丰富，放入口内油脂慢慢溶化释出甘甜。正。
白虾则用竹炭盐调味，入口先尝到清香带咸嘅盐味，再咀嚼之后黏糯嘅虾肉鲜甜一涌而出，味道真系无得弹。
海胆饭又系一道邪恶菜式，鲜甜嘅马粪海胆入口即溶，与醋饭一同入口间中又有少少竹盐嘅咸味点缀，差啲唔想将佢吞落肚俾佢留系口腔耐一点，享受耐一点。
最后系吞拿鱼蓉手卷，眼看师傅用火枪炼出吞拿鱼油再混和鱼肉及饭，单单系视觉已经系一种享受。接过手卷后一啖咬开，香滑鱼蓉／紫苏／脆卜卜紫菜及渍萝卜各种五味杂陈，滋味就系咁样造就出黎的了。
最后嘅最后，就系一碗热辣辣嘅豆腐鱼汤。奶白浓郁嘅鱼汤完全系集鱼嘅精华凝聚而成，甜香而味美。
与友人边聊天边品尝着呢个香滑嘅抺茶奶冻，谂起跑全马时嘅点滴。其实同呢度嘅师傅一样，凭着坚持及热诚去完成自己嘅目标，系一件值得自豪嘅事情。食完亦再同友人打赌，下年再完成全马会再黎呢度再食过。
张贴
