麺処一家 (已結業)

星期六七点松啲去到，都要排成半个钟先至有位，大热天时真系出晒汗。叫咗一个料理长之选，火炙腩肉同慢煮猪肩，两款嘅肉都会有。另外叫咗个妹妹之选，只系会有慢煮肉，肉就冇咩特别，面系幼面，上菜时个汤好够热，我有少少觉得系太热，个面如果唔系好快食晒嘅话就会糊喇。汤底系猪骨鱼介汤底，好香好浓厚，佢最好系加咗生洋葱，好鲜甜，令汤冇咁油腻！蛋要加$10嘅，冇咩特别算系合格。整体唔惊艳，不过所有嘢都合格有余，值得一试。值得一赞系佢个侍应，好细心，refill 水好快，亦都好有礼貌。