海皇粥店 (已結業)

早餐食碗热辣辣嘅粥一向系我心头好，就算依家天口兴，都仲系钟意食热嘅粥。而海皇嘅粥久负盛名，一直都系出品有保证嘅。不过朝早唔方便来呢边食嘢，只好退而求次来呢度食lunch喇！萝卜糕，有煎嘅同蒸嘅，钟意香口嘢嘅我梗系钟意煎嘅喇，萝卜味浓，萝卜糕嘅表皮有d焦所以都几香口。艇仔粥，里边用料好多，花生鱿鱼油炸鬼猪皮等、粥煲得比较稠，好有粥味，满满一碗热辣辣好食落去出咗dd汗，不过我钟意！油炸鬼系我真爱吖！呢度油炸鬼又香又脆，感觉就系啱出油镬嘅，外边酥脆，里边仲有D韧牙，放落粥度浸下再食真系人间美味吖！钟意油炸鬼嘅人妳伤唔起吖！