MOS Burger (荃新天地一期)

营业中

休息中

又到周末，见天气好好，想出黎随便地行下。唔想出太远就系荃湾天地附近兜兜转转，近六点有小小肚饿，见mos burger有位就入咗去。之前食开Mos Burger总是点黑醋鸡堡同烤牛肉rice burger，摩斯汉堡作为看家产品我竟然从未食过，今天点都试下。乍看之下个汉堡未算大，厚切鲜茄与牛肉之间淋满蕃茄肉酱，再被烘到胀起的面包包住，若要一口咬下去还真有些困难。食至中间部分啲肉酱不停咁溢出来，十分juicy！由于厚切薯条同鸡块啱啱出炉，香味四溢，未等凉就忍唔住食，差啲热嚫手。不同于细薯的脆，厚切薯软软绵绵，百食不厌。鸡块的配酱两只口味都要咗，个人偏好蒜辣多啲。除左店员态度好nice，佢地每收完一次银都会㩒消毒液抹手，算系卫生。有时候，简单而热辣的一个汉堡餐就足以令人满足。