MOS Burger (荃新天地一期)

营业中

休息中

新推出左個吉列野菜八爪魚漢堡包先$24都幾抵食質素遠遠超出麥當勞嗰啲快餐店！應該話冇得比啊mos burger 好食好多!漢堡包嘅包好鬆軟而且入邊椰菜一啲都唔孤寒瞓啦好多每一啖都食到好多汁嘅感覺食完之後又唔會好油膩仲覺得好健康添！

漢堡包一向在港有供有求，方便，速食文化成行的當代，相信也令其地位無可取代。今晚九點多，在荃新天地附近工作完，已有不少店落閘關門，摩斯漢堡依舊燈火通明，心想來一個吧。點了招牌的肉醬摩斯芝士漢堡。加倍漢堡肉。外型靚仔討好，包子供應商同是嘉頓，對比麥當勞的，多一份甜軟。包子刻意做得小巧，突顯肉餡的豐盛。蕃茄厚切，新鮮，多汁。肉醬是罐頭蕃茄煮的味道，酸甜開胃。洋蔥粒新鮮，為漢堡多了一種甜甜味道。酸瓜用來平衡，經典搭配。芝士是卡夫口味。肉餅有肉香，較淋多汁。都是工場處理好，店舖再加熱的做法。整體而言，以漢堡連鎖店來說，摩斯漢堡是做得幾好的，香港飲食一向稍偏日式，小巧風味，自然對胃。至於性價比，其實還可以。

星期天和像個孩子的先生外出食晚飯 😊由於餐廳大多都爆滿客人，所以,我們來到人比較少的摩斯漢堡店進餐。店鋪正在推廣他們的新產品--- 天婦羅京蔥雞漢堡,我和先生各點了一個來嘗嘗口味。😋來摩斯漢堡進餐多次，我的體驗是，通常新產品也味道不佳，而這次也不例外。😁😁🎯天婦羅京蔥雞漢堡漢堡麵包鬆軟，主角是兩塊薄薄的炸雞, 內裏還包含酸瓜, 京蔥和生菜。炸雞被濕潤的酸瓜和京蔥沾濕, 雖然熱度足夠, 卻一點都不香脆，而且分量比較小，食一個漢堡包，不足夠飽肚。

MOS BURGER食左好多年呢一年特別多人食，因為佢夠黃雖然價錢比最常見果幾間連鎖店貴可能二三十蚊但食物既質素高好多，好味好多摩斯漢堡 (單層)正常食量單層已經好飽佢有獨有既摩斯醬汁，有少少似日式燒汁，配埋牛肉漢堡係幾惹味幾夾中間有芝士同椰菜絲，平衡返個油膩感摩斯雞塊始終覺得平時食果種好食Ｄ同埋佢冇專門既醬汁可以蘸始終差少少冰凍抹茶鮮奶比起飲可樂健康得多，同埋只係加$6抹茶味都幾濃既，加埋鮮奶都幾滑不過冰就多左少少

今晚晚飯就一個人，事事但但落樓下食算啦，又唔係真係話好肚餓，咁就試下mos burger 啦。入到去之後店員就幫我量體溫，跟住就埋去選擇食咩啦！見到有個法式和牛漢堡包賣相幾好，就佢啦，再加多個雞肶同可樂嘅套餐。俾錢之後就坐係度等啦，店舖有送餐服務，好快個餐就送到黎啦，一如以往嘅user friendly 包裝，個包都幾大下，塊和牛漢堡就重大，入面有d燒汁，生菜絲，芝士片同埋塊和牛，味道都幾夾，但係就稍為覺得係和牛漢堡煎得乾左少少。跟住到雞腿啦， 個皮都炸得幾脆，但係肉就鞋左d, 味道都可以，最後飲埋可樂就走啦，讓返張枱俾其他人。

位於荃新天地二期地下的Mos Burger，地點方便因而常常滿座來自日本的她們經常推出期間限定的漢堡包，而這一次推出的就是墨西哥肉醬脆片漢堡墨西哥肉醬脆片漢堡～～～～～～～～～喜歡香辣的朋友應該會喜歡，配合墨西哥脆片口感特別，外軟內脆，肉醬帶微辣，又香又好味雞件及汽水～～～～～每次來到必加配的雞塊，既香脆又鬆軟汽水更不用多說，是快餐的靈魂所在結帳只需80元左右，算是超值大家來到摩斯漢堡店又會否像我一樣點期間限定呢

想減肥很久，有試過食少點，也有試過不食正餐，但也沒多大效果。正值中午時份，原本想食個簡單的三文治就算了，但途經荃灣，荃新天地摩斯漢堡，好奇看看最近有沒有新的推廣， 由於在門外看得不太清楚，便走進店內了。看到店內最近在推廣兩款超值優惠，分別有海鮮藜麥珍珠堡和吉列野菜八爪魚漢堡，廣告內的樣子非常吸引， 而且正在做超值優惠，就各點了一個來嘗嘗。海鮮藜麥珍珠堡，包裝精美， 打開有兩層飯把炸得香脆的海鮮天婦羅包裹住，咬入口中像食天婦羅飯， 不感覺自己在食漢堡，挺美味的，就是醬汁太少， 感覺到有點乾。吉列野菜八爪魚漢堡，相對珍珠堡，這個吉列八爪魚比較精彩， 香酥的吉列漢堡內包裹著軟綿綿的蔬菜和八爪魚， 口感甚為香口，配上日式醬汁，很快就被食光。兩款漢堡雖然不同風味，可是醬汁都屬同一種，味道沒有太太分別，最大問題是醬汁過少，令原本干身的漢堡，食完更令人口干，希望醬汁可以適量增加，豐富口感。

今日去荃新天地睇戲，睇完戲之後，就去搵野食，見到Mos burger 就諗起都好耐無食，咁就入去食啦！今日閒日約9點左右，坐滿左9成，咁當然啦，荃新天地分店都唔係大，先睇睇餐牌先，野食唔算多，咁就順便影埋早餐比大家睇，但係見到之前講佢嘅食評話早餐好差，所以都未必會試，咁我同我女朋友每人叫咗一個餐，我叫左法式和牛漢堡，我女朋友叫左個吉列蝦堡Wasabi醬，之後我哋就叫咗個雞件及大薯條，等左10分鐘左右就列，2個漢堡都正，其中吉列蝦堡我覺得係非常出色，但個人認為個包就細咗啲，首先佢嗰包係有炕底嘅，所以食起嚟呢好有口感及熱辣辣，和牛漢堡好有牛味，唯獨是醬比較多，有些鹹，所以覺得蝦堡比較好，薯條係粗薯條正，雞件都唔差，即炸，熱辣辣，比起M字頭嗰間好食好多，但當然價錢都貴啲兩個人食咗$104 ，都好味會再嚟。

一直好鐘意食MosBuger,但好可惜MosBuger分店真係唔多,今次一見到即刻衝入去漢堡款式好多,有成十幾款,最重要係好貼心有兩款素食漢堡,最後我揀左南瓜餅漢堡配大薯條,仲有季節限定ge十勝紅豆抺茶鮮奶平時都會揀抺茶鮮奶飲,今次加埋紅豆同珍珠真係無得頂雖然珍珠同埋紅豆份量較少,但食落真係正紅豆粒粒分明唔太甜,珍珠煙柔韌好食,好食過某啲專賣台式飲品ge舖頭抺茶奶沖得好濃,好香抺茶味至於漢堡方面,南瓜餅炸得好脆,菜好新鮮,超好味薯條更加唔洗講,又脆又大包,超抵食!!

間唔中都會想食下漢堡包，果刻就會諗到食MOs Burger ~~黑醋雞堡~~始終比較中意呢款包包皮厚身，菜絲條，醬汁多，雞肉脆，有肉汁👍薯條厚切，熱辣辣，條條都大大條，唔會斷開晒！茄汁任取！唯獨佢既可樂唔好飲。

係我暫時食過最好味道既魚柳包魚柳又熱騰騰又夠脆❤麵包好鬆軟又夠多醬炸雞腿唔脆唔好味，雞肉又薄又無肉汁，唔推介藍莓乳酪特飲非常淡…只得少少藍莓醬，好一般下次還是單點魚柳包就算

嗰日經過荃灣，去到荃新天地，仲諗住醫下肚但我想講佢哋個設計都幾衰，幾難搵到嘢食。本來見到嗰間乜鬼嘢貴到嘔雲吞麵，我係山頂領教過佢平嘅$88滿貴嘅$100我頂佢，我唔會再中計，咁我見到唯一係Mos Burger就試吓啦入到去佢嗰日冇冷氣,好彩唔系好熱，我就叫咗個和牛Burger講真幾好食你睇吓相就知啦一啲都無哂下次我想試吓八爪魚嗰個，又係買咗餐先見到...我想講話佢跟餐嗰個雞柳，真係太無味...如果係上髀肉就好少少

每隔一段時間就會掛住mos burger比m記貴三至四倍，但好食好多倍比Triple o平，但分別唔太大所以明點解隔一排就食啦今次依然都係慣性嗌黑醋sakusaku雞肉漢堡個汁係重點，加埋啲菜，畫龍點睛之作即使係外賣都保持到，唔會話大分別另一必食係摩斯雞塊加bbq醬感覺上比m記健康啲但得4塊好唔夠喉，次次都要買兩包外賣都保持到，分別唔大但今次摩斯脆雞就唔得唔知係咪外賣太快凍嘅問題最後慣性飲黃金栗米湯 (雖然係粉開)

炎炎夏日， 星期天下午時段非常肚餓， 來到位於荃新天地的Mos Burger 醫肚，一直都很喜歡食這裡的漢堡， 覺得很有水準。剛好有下午茶可以選擇， 款式都幾多，有 摩斯脆雞，摩斯雞塊， 熱狗，芝士漢堡....而我就 選擇了 北海道南瓜漢堡、可樂， 店內有送餐服務 ， 服務唔錯👍打開包裝好香，剛炸好熱辣辣的南瓜餅外脆內軟 ，南瓜甜甜糯糯又不會太軟身，配上新鮮蔬菜絲和日本醬汁， 整個配搭都很夾， 比想像中好食， 啱曬想食漢堡但又唔想食太多肉的朋友，讚👍

依間mos burger細細地，但閒日下晝通常都冇乜人，可以靜靜地享受食物😋。叫左個烤牛肉珍珠堡配salad 同綠茶鮮奶，一如既往好味道！不過飲品可以大杯少少就更好了🙊