粉仔檔

营业中

休息中

作为一个屯门友 天桥底嘅粉仔档无理由未试过嘅 见今日冻冰冰 晏昼又食唔饱 猪先生同猪小姐决定系四度低温之下 入左粉仔档避寒中心开餐地方明显番新过 环境干净左 铺位亦多左一间 容纳客人数目相对增加 但始终空间有限 迫夹始终在所难免我地开动啦 叫左两碗粉仔 五条肠粉加一份烧卖烧卖一份有八粒 唔算贵 抵食配埋甜豉油 值得一试 过下口瘾都唔错呀肠粉热辣辣 好滑溜 唔会痴埋一旧旧 加埋甜酱 花生酱 豉油 芝麻 我钟意多酱嘅 越多酱就越好味 麻烦再加多啲呀到最后有请我地嘅主角粉仔出场 可惜嘅系 已经无大细碗比你拣 得一个size 但粉仔仍然保持住一贯水准 虾米再加上冬菇香味十足 最重要系有猪油渣 越多就越香口 唔会有油益味 另外 可加入菜甫 有辣有唔辣 而放辣菜甫嘅盒上面写住"别挑战" 都真系几辣架 不过放几粒落粉仔度吊下味 辣得好过瘾 而唔辣菜甫 我落左好多 好爽口 每一小羹我都会将佢地加埋粉仔一齐食 一啖放入口 好好味呀食完啦 猪先生同猪小姐好满足 暖笠笠嘅感觉即刻番哂尼啦