泰昌餅家 (裕景中心) (已結業)

下午茶时间最好系有一杯奶茶同食个蛋挞，今日咁岩经过泰昌饼家，呢间铺头装修完，好光猛，靓左，见着一盘盘新鲜热辣出炉的蛋挞整齐地排好，好香好香，忍唔住买咗两个嚟食，一个酥皮，一个饼皮，热辣辣，啲香味系个胶袋上面飘出嚟，急不及待回家享用，先食酥皮，酥皮好酥化，而且牛油味香浓，蛋浆唔太甜，蛋味亦是香浓，而且蛋浆好软滑，至于饼皮𠮶个，个皮好脆，牛油味都系咁香浓，唔会一咬全部散晒，蛋浆同酥皮嘅一样，甜度刚刚好，同样的嫩滑，唔似有啲蛋挞干争争到蛋浆裂开，一次过食晒两种唔同口感嘅蛋挞做下午茶真系太幸福了