嚥宮

营业中

休息中

铁路效应，去坚尼地城实地考察，行左去旺中带静的厚和街，短短的一条街都起码+10间食肆，㨂呢间系因为见有人排队，跟住等位都应该唔会太错。帮衬当日估计开业不久，人手不足，3-4伙计照顾成廿张枱，虽然有派筹等位，门口亦安排櫈供等位客坐，始终有少少乱，幸好等位的顾客都好自律，不致于等太耐，十分钟左右有枱埋单就有位。点菜都有几款点心纸，有午市蒸饭配点心优惠。当日两人惠顾，叫左一个蒸饭套餐再加2-3笼点心。蒸饭成个煲仔上，个优惠唔驶40蚊有埋碟菜，超抵。叉烧肠粉一般，嫌叉烧碎湿湿。菜肉虾蒸饺（一时记唔起叫咩名），似乎系自制，因为个皮好厚，估计足料澄面，十分'烟'靭。鸡扎，赞。见隔离枱叫个石锅生煎包，好香，但太饱叫唔到，留番下次试。埋单两个人都唔驶$120，唔怪得咁多人等。