正宗上海生煎皇 (已結業)

支持小店！虽然唔系成日出深水埗，但Lee间食店不止食过一次了，每次食完都想再嚟，正正因为佢个生煎包啰，饱肚食物，每次都无法食太多，但真系好好味，包嘅底部煎得香又唔会㶶，包内嘅汤汁好甜，系肉汁嘅甜，真系好正！店主好好，仲有个教学食法"生煎四步曲"，全靠睇咗先唔会食到就身都系，点解我咁讲，因为我真系见到有其他食客喷汁呀！仲有佢个"灌汤小笼包"一样咁出色，皮又唔厚，啱啱好。除咗LEE两样美食推介，另外仲食咗"鸡丝粉皮"，小店胜在每款细细碟，又唔贵，可以叫多两款都得，我妈咪就最爱LEE个小食，每次食上海嘢，基本上都必食，LEE个小食佢赞得嘅，都系唔错㗎！唔好以为细碟样样都小，见到张相你就知，足料，好多鸡丝，麻酱分量啱啱好，粉皮都好滑。"薰鱼上海面"都唔差，薰鱼汁又甜又惹味，只系我自己就怕佢太硬太多⻣，但屋企人就好like；"担担面"我就啱食D，LEE度嘅面煮得啱啱好，本身担担面就偏腻，但LEE度都唔会太腻，都OK好食。