六本木日本料理

营业中

休息中

提早打电话Book左位到达嘅时候都几乎满座，得返两张二人枱其中一张就系我哋嘅坐低无耐就有店员拎住一块黑板过嚟，上面写左有咩「飞机货」刺身鱼供应，店员话可以根据喜好，例如口感，油份等推荐俾我哋，而且建议我哋可以影低块牌慢慢考虑，之后就行开咗，一啲都唔hard sell唔chur 。因为我哋一早喺OpenRice 睇左一啲推介，心目中一早有想试嘅野食，所以无叫「飞机货」。见到餐厅入面有好几台客都系嚟聚会，老板都亲自落场同啲客倾计饮酒，真系有日本居酒屋感觉。值得一提的是，店员好细心勤力，无论加水定系介绍食法。成餐饭食完，最中意系鸡泡鱼干，烧年糕，烧牛舌串烧，六本木秘制牛肉，相比其他就比较普通。今次食哂想试嘅，知道咩好食，下次就有肚可以试吓「飞机货」。