LM Cafe (已結業)

今明两日都要去观塘做野，所以预先上Openrice揾定喺边食晚餐。今晚就随意地拣咗LM Cafe，依间餐厅虽然位于观塘工厂区内，但8点半去到都满哂座。我同Mr.J被安排坐喺中间嘅高枱，舒适度比想像中高，至少张椅喺阔同有椅背嘅。今晚食咗1)黑松露薯条(2)铁板爵士西冷配香草肠(黑椒汁)(3)芝士汁鸡扒焗意粉黑松露薯条嚟到嘅时候系热辣辣，份量好多，足够3至4人食，薯条系幼薯条，伴随薯条嘅有黑松露酱同茄汁，黑松露酱ok嘅，都有黑松露未，但味觉上争少少先满足，可能因为个酱系用沙律酱做底，所以甜咗少少。我个芝士汁鸡扒焗意粉系即焗嘅，要摊一阵先食到。鸡扒预先切开几件，方便食客进食，件鸡扒应该煎过先再焗，但仍然保持肉质嫩滑，好好味。芝士汁啱啱好足够捞意粉，意粉都唔错㗎，唔系淋pei pei。Mr.J系食肉兽，所以佢拣铁板爵士西冷配香草肠(黑椒汁)，份量好多而且好热，西冷肉质不靭有肉汁，香草肠有一大条，配菜有一片厚切蕃茄同几棵西兰花，平衡返食咁多肉嘅胃口，至于配搭嘅粗薯条都几好食。食完铁板Mr.J表示好满足好满意。