影片
更多
2024-02-03
25 浏览
💡热闹天后居酒屋天后云集各路美食，今次同朋友揾到间好有气氛嘅居酒屋，撞正逢星期二晚有live band，墙上又有日本风景短片不停播放，零舍好气氛！回归正传，讲返食物先：🍽️海葡萄海藻沙律海葡萄本身天然有种淡淡海水咸味，配上几种口感不同但味道轻身嘅藻类，海葡萄滋味高亢突出，如果钟意重口味嘅朋友，可以配上店家嘅沙律酱油捞上一齐食呀。🍽️刺身盛合5点🐟刺身绝对新鲜，分别有带子、牡丹虾、剑鱼腩、八爪鱼同埋深海池鱼。带子晶莹厚肉、池鱼鲜甜、剑鱼腩柔软肥美、八爪鱼厚实弹牙、牡丹虾肉爽且甜，掂！出品拍得住鱼生店！🍽️川海老唐扬🦐微微焦香，但虾味浓郁，虾仔舖上薄薄椒盐，一粒一粒食唔停，亦可以滴上柠檬汁。酸爽过后仍然呷到椒盐虾香，适合佐酒。🍽️自家制免治鸡肉棒（明太子、月见）🐓鸡肉棒入面混合鸡软骨碎，本身嘴嚼玩味已经好好。混合月见（蛋黄）嘅鸡肉棒入口平和滑溜，蛋香丰腴。明太子口味就带些许咸辛，食落更加惹味。🍽️串烧（豚肉露荀卷、鸡腿肉）食材优质，厨师轻轻小小海盐已经系画龙点睛。豚肉露荀串：明显系日本豚肉包上新鲜露荀，豚肉清甜，露荀无渣爽口多汁；鸡腿肉：外皮带应有嘅焦香，肉质弹牙而且肉汁亦冇流失。🍽️吉列和牛🐂柔软嘅
天后云集各路美食，今次同朋友揾到间好有气氛嘅居酒屋，撞正逢星期二晚有live band，墙上又有日本风景短片不停播放，零舍好气氛！回归正传，讲返食物先：
🍽️海葡萄海藻沙律
海葡萄本身天然有种淡淡海水咸味，配上几种口感不同但味道轻身嘅藻类，海葡萄滋味高亢突出，如果钟意重口味嘅朋友，可以配上店家嘅沙律酱油捞上一齐食呀。
🍽️刺身盛合5点🐟
刺身绝对新鲜，分别有带子、牡丹虾、剑鱼腩、八爪鱼同埋深海池鱼。带子晶莹厚肉、池鱼鲜甜、剑鱼腩柔软肥美、八爪鱼厚实弹牙、牡丹虾肉爽且甜，掂！出品拍得住鱼生店！
🍽️川海老唐扬🦐
微微焦香，但虾味浓郁，虾仔舖上薄薄椒盐，一粒一粒食唔停，亦可以滴上柠檬汁。酸爽过后仍然呷到椒盐虾香，适合佐酒。
🍽️自家制免治鸡肉棒（明太子、月见）🐓
鸡肉棒入面混合鸡软骨碎，本身嘴嚼玩味已经好好。混合月见（蛋黄）嘅鸡肉棒入口平和滑溜，蛋香丰腴。明太子口味就带些许咸辛，食落更加惹味。
🍽️串烧（豚肉露荀卷、鸡腿肉）
食材优质，厨师轻轻小小海盐已经系画龙点睛。豚肉露荀串：明显系日本豚肉包上新鲜露荀，豚肉清甜，露荀无渣爽口多汁；鸡腿肉：外皮带应有嘅焦香，肉质弹牙而且肉汁亦冇流失。
🍽️吉列和牛🐂
柔软嘅和牛外层包裹上酥炸面包糠，唔系讲少，真系入口即融！就咁食完一件之后，可以沾一下随碟嘅沙律酱，你以为会好腻？非也，个酱系食得出有芥末喺入面，当堂吊起牛肉嘅味道，亦都有种解腻感，不能不沾！
🍽️牛肉炒饭🐂
牛肉片炒饭略嫌单调？配角就显得非常重要。洋葱、萝卜、青葱切得幼细又保留到食材原本口感，配埋日本米，每啖都有炒饭香气同食到不同配菜嘅口感，细咽慢嚼滋味无穷。
张贴
