Lava 燒

营业中

休息中

有朋自远方来，带佢出去食吓好嘢招呼一下，聚下旧就最开心，近近地唔使去到太远，太子都大把酒吧，同埋好餐厅！Lava 呢个牌子系我心目中都几有印象，有个土瓜湾𠮶间餐厅食到过来太子，比我印象都几唔错，今次佢开咗串烧店，又可以食饱饱，又可以饮酒，几唔错！地方都系坐得几舒服嘅，今晚冇咩人，静静地，不过我哋自己都六七个人一台，已经够晒气氛！估唔到呢度串烧嘅种类咁多选择！呢碟野出现时，大家嘅反应都系哇一声，单系卖相同埋香味已经把我哋吸引住金菇肥牛卷系我最爱！仲叫啲烧芦笋、同埋烧韭菜，一齐食仲正。酱汁都几够味，有少少甜甜地，好滋味。第二round，要在encore金菇肥牛卷，加对鸡翼！鸡翼烧得好透，火候掌握得好好。冬菇都几唔错㖞！啲菇烧到林林的，里边有少少juicy 添呢串嘢超正，牛柳好香牛味，口感几弹牙。食串烧，配啤酒系最佳选择，饮支嘉士伯先。