影片
更多
2024-12-08
0 浏览
最近见九龙湾德福开咗灯笼卤味，即刻约埋friend趁weekend刷一餐劲！之前食过朗豪坊分店的确有惊喜，今次一定要再食一次，睇下保唔保持到水准。一人成团-「牛滋味」(⭐️⭐️⭐️⭐️⭐️)餐厅11月推紧$89起嘅一人餐，非常抵食，我地就叫咗两份「牛滋味」食饱饱啦！「牛滋味」当然唔少得有牛腩、牛肚、萝卜、豆腐等等嘅卤味，卤水汁好鲜甜，又腌得入味，牛腩相当软熟，肥瘦适中，牛肚都好弹牙，冇腥臭味，最紧要份量够多，大大件有4-5旧，包你食得满足！面底嘅种类有好多，我地加钱转薯粉同乌龙面，薯粉弹牙但唔会咬唔断，而乌龙面口感似乌冬，索埋汤汁食到唔停口！手工饺子 (⭐️⭐️⭐️⭐️💢)饺子皮比较厚，确保肉质唔会流出黎，肉馅嫩滑多汁，非常有口感！黄金甜不辣配起司麻薯 (⭐️⭐️⭐️⭐️⭐️)作为小食真系冇得输，甜不辣烟烟靭靭好有咬口，面层脆卜卜洒上辣椒粉好惹味。麻薯一样有惊喜，大大颗外脆内流心，麻薯好烟靭，芝士好浓郁，邪恶得黎好满足！阿里山黄金夕阳果茶 (⭐️⭐️⭐️⭐️⭐️)非常清新清甜嘅一杯果茶，茶味较淡但果味浓郁，用咗好多柑橘类生果，例如有青柠同橙，中和番卤味嘅热气。蜂蜜荔枝红茶 (⭐️⭐️⭐️⭐️⭐️)润喉解腻嘅一杯饮品，蜂蜜份量适中，唔
一人成团-「牛滋味」(⭐️⭐️⭐️⭐️⭐️)
餐厅11月推紧$89起嘅一人餐，非常抵食，我地就叫咗两份「牛滋味」食饱饱啦！「牛滋味」当然唔少得有牛腩、牛肚、萝卜、豆腐等等嘅卤味，卤水汁好鲜甜，又腌得入味，牛腩相当软熟，肥瘦适中，牛肚都好弹牙，冇腥臭味，最紧要份量够多，大大件有4-5旧，包你食得满足！面底嘅种类有好多，我地加钱转薯粉同乌龙面，薯粉弹牙但唔会咬唔断，而乌龙面口感似乌冬，索埋汤汁食到唔停口！
手工饺子 (⭐️⭐️⭐️⭐️💢)
饺子皮比较厚，确保肉质唔会流出黎，肉馅嫩滑多汁，非常有口感！
黄金甜不辣配起司麻薯 (⭐️⭐️⭐️⭐️⭐️)
作为小食真系冇得输，甜不辣烟烟靭靭好有咬口，面层脆卜卜洒上辣椒粉好惹味。麻薯一样有惊喜，大大颗外脆内流心，麻薯好烟靭，芝士好浓郁，邪恶得黎好满足！
阿里山黄金夕阳果茶 (⭐️⭐️⭐️⭐️⭐️)
非常清新清甜嘅一杯果茶，茶味较淡但果味浓郁，用咗好多柑橘类生果，例如有青柠同橙，中和番卤味嘅热气。
蜂蜜荔枝红茶 (⭐️⭐️⭐️⭐️⭐️)
润喉解腻嘅一杯饮品，蜂蜜份量适中，唔会太甜，红茶用普通茶包，暖胃嘅一杯饮品，啱晒冬天饮。
~~~~~~~灯笼卤味 九龙湾伟业街33号德福广场1期1楼F23号舖
推介菜式：一人成团-「牛滋味」、黄金甜不辣配起司麻薯、阿里山黄金夕阳果茶
👍特色味道
👍地点方便
👍环境舒适
张贴
